२०७९, २५ श्रावण बुधबार   |  
Wednesday 10th August 2022

यसरी सुरक्षित रुपमा सफा गर्नुहोस् कम्प्युटर र ल्यापटप

यहाँ आज हामी तपाईंलाई कम्प्युटर तथा ल्यापटप सुरक्षित रुपमा सफा गर्ने उपायको बारेमा जानकारी दिन गइरहेका छौँ । एयर कम्प्रेसर तथा विद्ययुतीय क्लिनर बिनै तपाईंले सुरक्षित रुपमा कम्प्युटर तथा ल्यापटप सफा गर्न सक्नुहुन्छ ।

त्यसका लागि पानी र रुबिङ अल्कोहल लिनुहोस् । तपाईंले रुबिङ अल्कोहल बजारमा सजिलै किन्न पाउनुहुनेछ । अब चौडा किसिमको एउटा माइक्रोफाइबर कपडा लिनुहोस् । यसले कुनै स्क्र्याच नगरेरै कम्प्युटर तथा ल्यापटपको सबै किसिमका फोहरमैला तान्न सक्छ ।

खास गरेर मोनिटर सफा गर्ने क्रममा तपाईंले यो पद्दति अपनाउन एकदमै महत्वपुर्ण छ । यही पद्दति तपाईंले ल्यापटप तथा किबोर्ड सफा गर्ने क्रममा समेत अपनाउन सक्नुहुन्छ ।

हावाको चापबाट सफा गर्ने क्रममा फोहर मैला बाहिर निस्किनुकाे साटो किबोर्ड भित्र जम्मा भएर बसिरहेको हुन्छ ।

माइक्रो फाइबर कपडामा स्प्रे गर्नुहोस् । स्प्रे गरिएको कपडाले हातको पछाडि भागमा हलुकासँग हिर्काउनुहोस् । कपडाको एकदमै धेरै आद्रता इलेक्ट्रोनिक्स डिभाइसका लागि एकदमै नराम्रो हो । अब ओँलाहरुको बीचमा कपडालाई पट्याउनुहोस् र सजिलैसँग कम्प्युटर, ल्यापटप तथा किबोर्ड सफा गर्नुहोस् ।

केही बेरमै कपडाको त्यो भाग फोहोर हुनेछ । त्यसैले कपडाको अर्को भागलाई त्यसैगरी स्प्रे गरेर हातको पछाडि हिर्काएर सरसफाइको कार्य पहिले जस्तै जारी राख्नुहोस् । मोनिटर सफा गर्दा माथिपट्टीबाट अंग्रेजी अक्षर ‘एस’ को स्वरुपमा तलतर्फ हातलाई चलाउन सक्नुहुन्छ ।

अनि अर्को महत्वपुर्ण कुरा कहिल्यै पनि इलेक्ट्रोनिक्स डिभाइसमा सोझै स्प्रे गर्ने गल्ति नगर्नुहोस् । स्प्रे गरिएको कपडाले नै तपाईंको किबोर्डलाई छिट्टै सफा गर्न सघाउँछ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team