टेलिकमका प्रयोगकर्ताले थाहा पाउनैपर्ने सर्टकोड र यूएसएसडी कोड

काठमाडौं । नेपाल टेलिकमले आफ्ना ग्राहकको सहजता विभिन्न सर्टकोड तथा यूएसएसडी कोडहरुको व्यवस्था गरेको छ । तर धेरैजसोलाई ती सर्टकोडहरु थाहा हुँदैन । 

जसले गर्दा कम्पनीको टेलिफोन, मोबाइल, इन्टनरनेट लगायतका सेवाको आवश्यक जानकारी तथा सेवा लिन समेत पाइरहेका हुँदैनन् । टेलिकमका सेवाग्राहीको सहजताका लागि विभिन्न सेवा प्रयोग गर्न हामीले यहाँ सम्पुर्ण सर्टकोड तथा यूएसएसडी कोडहरु प्रस्तुत गरेका छौँ । 

तत्काल प्रयोग नगरेपनि यी सर्टकोड तथा यूएसएसडीको जानकारी थाहा पाइराख्नुभयो भने अरुबेला अवश्य काम लाग्नेछन् ।

डायल गर्ने

1. *1415# : डाटा तथा भ्वाइस प्याक सम्बन्धि अफर थाहा  पाउन र खरीद गर्न
2. *1415#*55# : बाँकी डाटा र भ्वाइस प्याक थाहा पाउन
3. *444# : फोरजी सेवा सक्रिय बनाउन
4. *400# : मोबाइलको ब्यालेन्स थाहा पाउन
5. *9# : आफ्नो मोबाइल नम्बर थाहा पाउन
6. #331*0000# : पोस्टपेड मोबाइलमा आईएसडी सेवा सुरु गर्न
7. #422*Security Code*98xxxx*rs# : प्रपेड मोबाइलबाट अर्क नम्बरमा ब्यालेन्स ट्रान्सफर गर्न
8. *1455# : कलर रिङ्ग ब्याकटोन राख्न
9. *1400# : मिस्डकल नोटिफिकेसन सेवा सुरु गर्न
10. 197 : ल्याण्डलाइन नम्बर सोधपुछ गर्न
11. 1498 : मोबाइल सेवासम्बन्धि  जानकारी लिन
12. 198 : ल्याण्डलाइन टेलिफोन मर्मत गर्न
13. 1607 : जीएसएम प्रिपेडको पीयूके नम्बर थाहा पाउन

एसएमएस गर्ने

1. कलर रिङ्ग ब्याक टोन (सीआरबीटी) खरीद गर्नः Sub टाइप गरेर 1455 मा पठाउने
2. जीएसएम प्रिपेड मोबाइलको सेक्युरिटी कोड प्राप्त गर्नः SCODE टाइप गरेर 1415 मा पठाउने
3. जीएसएम पोस्टपेडको पीयूके नम्बर थाहा पाउनः PUK टाइप गरेर 1415 मा पठाउने
4. मिस्डकल नोटिफिकेसन सेवा सुरु गर्नः sub mca टाइप गरेर 1400 मा पठाउने
5. मिस्डकल नोटिफिकेसन सेवा बन्द गर्नः unsub mca टाइप गरेर 1400 मा पठाउने
6. ल्याण्डलाइन टेलिफोनको तिर्नुपर्ने बिल रकम थाहा पाउनः CB*01xxxxxx (आफ्नो ल्याण्डलाइन नम्बर) टाइप गरेर 1415 मा पठाउने
7. मोबाइलमा बाँकी रहेको डेटा थाहा पाउनः VL टाइप गरेर 1415 पठाउने
8. प्रिपेड मोबाइलमा एफएनएप सेवा सुरु गर्नः FNFSUB*98xxxxxxxx (सस्तो दरमा कुरा गर्न चाहेको मोबाइल नम्बर) टाइप गरेर 1415 मा पठाउने
9. एफएनएप लिस्टमा अरु नम्बर थप गर्न FNFADD*98xxxxxxxx (छुट्टाछुट्टै मोबाइल नम्बर राखेर) 1415 मा पठाउने

एप तथा वेबसाइट

पोस्टपेड मोबाइल र ल्याण्डलाइनका लागिः मासिक बिल, बाँकी रकम, अग्रीम रकम लगायतको विवरण हेर्न यो लिङ्क खोल्नुहोस् र लगईन गर्नुहोस् । ल्याण्डलाइनका लागि अकाउण्ट नम्बर (मासिक महशुल भुक्तानी गरेको पुरानो बिलमा लेखिएको हुन्छ) र मोबाइलको लागि पीयूके नम्बर राख्नुहोस् ।

टेलिकमका सेवाको जानकारी लिन र खरीद गर्नः टेलिकमको एन्ड्रोइड मोबाइल एप तथा आईओएस मोबाइल एप डाउनलोड गरी रजिस्टर गर्नुहोस् । 

पछिल्लो अध्यावधिक: असोज २, २०७९ २२:३६

टिप्पणीहरू