आधारभूत मोबाइल डेटाको छूट बन्द गर्ने टेलिकमको निर्णय

काठमाडौं । नेपाल टेलिकमले असार ७ गतेसम्म आफ्ना सेवाहरुमा लाग्ने विलम्ब शूल्क मिनाहा गर्ने निर्णय गरेको छ । कोभिड–१९ को महामारीका कारण कायम लकडाउन अवधिमा सरकारी स्वामित्वको कम्पनीले प्रयोगकर्ताको सुविधालाई मध्यनजर गर्दै यस्तो निर्णय लिएको हो ।

टेलिकमका अनुसार असार ८ गतेपछि कम्पनीको सेवा प्रयोग गरेवापत तिर्नुपर्ने महशुलमा भने नियमानुसार विलम्ब शूल्क लागु हुने जनाइएको छ । यसैगरी जीएसएम मोबाइल डेटा सेवा र सीडीएमए मोबाइल डेटा सेवाको आधारभूत दर (पे एज यु गो) मा उपलब्ध गराइएको क्रमशः ३० प्रतिशत र २७ प्रतिशत छूटलाई समेत निरन्तरता दिइने छैन ।

कम्पनीका अनुसार असार १ गतेबाट यी सेवाको प्रयोगमा नियमित शूल्क लागु हुनेछ । नेपाल टेलिकमले आफ्ना ग्राहकलाई भ्वाइस तथा डेटा सेवामा उपलब्ध गराउँदै आएको स्टे कनेक्टेड अफर भने कायमै रहने जनाएको छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team