अब स्क्रिन बन्द हुदाँपनि युट्युबमा गीत सुन्न सकिने

YOutube most downloaded app

काठमाडौं । युट्युबले मोबाइलको स्क्रिन बन्द हुँदा अथवा मोबाइलमा अन्य काम गर्दापनि गीत सुन्न सकिने फिचर उपलब्ध गराउने भएको छ । नोभेम्बर ३ देखि पहिलो चरणमा क्यानाडामा यसको परिक्षण हुने भएको छ । यो सँगै युट्युब म्युजिक सुन्दा मोबाइलमा अरु काम गर्न नपाइने झन्झटको अन्त्य हुने भएको छ ।

हाल युट्युब म्युजिक सुन्दै गर्दा अरु कुनै एप चलाउनु पर्दा युट्युब बन्द गर्नुपर्ने हुन्छ । सोही समस्यालाई समाधान गर्ने उद्देश्यका साथ कम्पनीले यो कदम चालेको हो । नयाँ फिचर सँगै मोबाइलको स्क्रिन बन्द हुँदा समेत युट्युब म्युजिक भने चलिरहने छ ।

ब्याकग्राउन्ड युट्युब म्युजिकले स्ट्यान्डर्ड एड, पर्सनालाइज्ड रेडियो मिक्स र आफ्नो युट्युब अकाउन्टमा अपलोड गरिएका कन्टेन्ट सबै सपोर्ट गर्नेछ । यो फिचर प्रिमियम सब्स्क्रिप्सन बिना नै प्रयोगकर्तालाई उपलब्ध हुने जनाइएको छ ।

यसअघि युट्युब म्युजिकमा आउने सबै नयाँ फिचरका लागि युट्युब प्रिमियम सब्स्क्रिप्सन लिनु पर्ने वाध्यता थियो । तर ब्याकग्राउन्ड युट्युब म्युजिक भने सबै प्रयोगकर्तालाई उपलब्ध हुने उल्लेख छ ।

क्यानडा बाहेक अन्य देशका प्रयोगकर्तामाझ पनि यो फिचर चाँडै उपलब्ध हुने अनुमान गरिएको छ । ब्याकग्राउन्ड म्युजिक फिचर सँगै युट्युब म्युजिक स्पोटीफाई, एप्पल म्युजिक, प्यान्डोरा, टिडल जस्ता सबै कम्पनीका लागि चुनौती हुने देखिएको छ । 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team