ट्रेन्डिङ:
आखिर के हो आईफोन पछाडिको यो कालो थोप्लाको काम ? विण्डोज कमाण्ड प्रोम्प्टबाट यसरी जाँच्नुहोस वाईफाई ‘सिग्नल’ भारतका १३ सहरमा सुरु भयो फाइभजी दीक्षान्त समारोह गर्दै त्रिवि, अनलाइनबाट आवेदन दिन सकिने यी ‘इमोजी’, जसको अर्थ देश अनुसार फरक छ नेपाली बजारमा साओमीको फ्ल्यागशिप फोन मि ११ सार्वजनिक, यस्तो छ मूल्य र फिचर तेलको भाउ बढेसँगै एप्पललाई उछिन्दै ‘अरामको’ बन्यो विश्वको मूल्यवान कम्पनी ५००० एमएएच ब्याट्री सहित रियलमीले ल्यायो हालसम्मकै दोस्रो सस्तो फोन पाँचौं संस्करणको आईसीटी अवार्ड हुँदै, ११ विधाका लागि तीन सय बढीको नोमिनेशन लाखौं पुराना फोनमा बन्द हुँदै ह्वाट्सएप
close

आखिर के हो आईफोन पछाडिको यो कालो थोप्लाको काम ?

टेकपाना टेकपाना

कात्तिक २१, २०७८

आखिर के हो आईफोन पछाडिको यो कालो थोप्लाको काम ?

काठमाडौं । यदि तपाईंसँग आईफोन १२ प्रो तथा प्रो म्याक्स अथवा आईफोन १३ प्रो तथा प्रो म्याक्स प्रयोग छ भने पक्कै पनि क्यामेरा एर्रेसँगै कालो थोप्लो रहेको कुरा त पक्कै पनि विचार गर्नु भएकै होला । यदि तपाईंले ख्याल गर्नु भएको छैन भने यहाँ माथिको तस्वीरमा आईफोन १३ प्रो म्याक्स हेर्न सक्नुहुन्छ ।

क्यामेरा एर्रे भित्रै रहेको हुँदा यसको काम के होला भन्ने अनुमान लगाउन तपाईँका लागि एउटा आधार चाहिँ हुनसक्छ । पक्कै पनि यो क्यामेरा नै हो । वास्तवमा यो स्क्यानर हो ।

लाइट डिटेक्सन र रिङ्गको लागि लिडार रहेको हुन्छ । यसबाट इन्फ्रारेड लाइट जल्छ र आफ्नो वरिपरिको थ्रीडी तस्वीरका लागि उक्त लाइट प्रयोग गर्छ । आईफोनले पोट्रेट मोड जस्तै क्यामेरा ट्रिक्सको लागि डेप्थ म्याप तयार पार्न लिडार स्क्यानर प्रयोग गर्छ ।

जसले अटोफोकसको स्पिड बढाउन समेत सहयोग पुर्‍याउँछ । यति मात्र होइन, निश्चित एपअनुसार यसले थप धेरै काम पनि गर्न सक्छ । उदाहरणको लागि थ्रीडी स्क्यानर एपलाई नै लिनुहोस् ।

यसले स्क्यान गर्न, थ्रीडी फाइल एडिट गर्न, अब्जेक्ट मापन गर्न र अरुसँग थ्रीडी फाइल शेयर गर्ने जस्ता काम गर्छ । लिडार स्क्यानरलाई उपयोग गर्ने अर्को एप क्यानभासः लिडार थ्रीडी मेजरमेन्ट पनि हो ।

यदि तपाईं आफ्नो घरलाई रिमोडेलिङ अथवा पुनर्निर्माण गर्दै हुनुहुन्छ भने यो एपले मापनका लागि यसले तपाईंको थुप्रै समय जोगाइदिन सक्छ । प्रयोग गर्न सहज मात्र होइन, यसबाट नतिजा पनि गज्जबको निस्किन्छ ।

आगामी दिनमा एप्पलले एआर प्रविधिमा हात हालेपछि लिडार क्यामेराले थप काम गर्न सक्ने अपेक्षा गर्न सकिन्छ । तैपनि हालका लागि यस्ता थुप्रै एप छन्, जसले लिडार क्यामेरा प्रविधिको माध्यमबाट तपाईँका लागि थुप्रै नवीनतम् र आनन्ददायी सहजता दिन सक्छन् ।