टोरेन्ट के हो र यसको प्रयोग कसरी गर्ने ?

काठमाडौं । तपाईंहरुमध्ये धेरैजना टोरेन्टको प्रयोगकर्ता हुनुहुन्छ होला । अधिकांशले फिल्म डाउनलोड गर्न टोरेन्ट प्रयोग गर्छन् । युट्युब तथा फ्री मुभी स्ट्रिमिङ साइटमा कुनै फिल्म छैन र सब्सक्रिप्सन साइटमा एक्सेस छैन भने यस्तो बेला निःशुल्क फिल्म हेर्ने माध्यम टोरेन्ट हुन्छ ।

तर सामान्य बुझाईभन्दा फरक टोरेन्ट आफैंमा एउटा छुट्टै प्रविधि हो । यो प्रविधि के हाे र यसले कसरी काम गर्छ भन्ने विषयमा सजिलो भाषामा आज हामी तपाईंलाई बुझाउने छौं ।

उदाहरणका लागि तपाईं आफ्नो ब्राउजरमा कुनै वेबसाइट सर्च गर्नुहुन्छ भने त्यही वेबसाइटको सर्भरबाट तपाईंले खोजेको कुराहरु तपाईंलाई आउँछ । वा तपाईं कुनै फाइल डाउनलोड गर्दै हुनुहुन्छ भने त्यो फाइल जुन सर्भरमा सेभ रहेको छ, त्यहाँबाट तपाईंको डिभाइसमा आएर फाइल डाउनलोड हुन्छ ।

तर यदि एउटै फाइललाई एकैपटक लाखौं मानिसहरुले एकैसमयमा डाउनलोड गर्न चाहन्छ भने त्यो ट्राफिकलाई थेग्न सर्भर निकै शक्तिशाली हुनुपर्ने हुन्छ । त्यसको स्पिड पनि उच्च हुनुपर्दछ, अन्यथा सबै प्रयोगकर्ताले त्यसको वेबपेज देख्न सक्दैनन् ।

सर्भरलाई बलियो बनाउन बाहेक यसका लागि तपाईंसँग अन्य विकल्प छैन । तर सर्भर राख्ने आर्थिक हैसियत बलियो आम्दानी भएको कम्पनीबाहेक अरुहरुसँग हुँदैन ।

तर टोरेन्ट प्रविधि यसभन्दा फरक छ । उदाहरणका लागि यदि एकजना सिङ्गल युजर, जस्तो मसँग कुनै डकुमेन्ट, म्युजिक, फाइल, गेम, फिल्म जुनसुकै फाइल छ । त्यसलाई म विश्वको जुनसुकै कुनामा धेरैभन्दा धेरै मानिसहरुमाझ पुर्‍याउन चाहन्छु ।

तर मसँग यसका लागि कुनै सर्भर त हुँदैन । यस्तै बेला म टोरेन्ट प्रविधिको प्रयोग गर्न सक्छु । मैले सबैमाझ पुर्‍याउन चाहेको फाइल मेरो ल्यापटप वा मोबाइलमा छ । यस्तो बेला म कुनै पनि टोरेन्ट होस्टिङ वेबसाइटमा गएर त्यस फाइलको एउटा टोरेन्ट क्रिएट गर्न सक्छु ।

जब मैले क्रिएट गरेको टोरेन्टलाई कसैले डाउनलोड गर्छ । तब उसले त्यसलाई आफ्नो टोरेन्ट क्लाइन्टमा एड गर्दछ, तब विस्तारै टोरेन्ट क्लाइन्टले त्यस फाइललाई मेरोबाट त्यस व्यक्तिकोमा पुर्‍याउन सुरु गर्दछ ।

यति बेला मेरो इन्टरनेटको अपलोड र त्यस व्यक्तिको इन्टरनेटको डाउनलोड स्पिड अनुसार त्यस फाइल तपाईंकहाँ आइपुग्छ । जब त्यो फाइल त्यस व्यक्तिको सिस्टममा आइरहेको हुन्छ तब त्यस व्यक्तिको सिस्टमबाट पनि त्यस फाइल अपलोड भइरहेको हुन्छ ।

यही समय अर्को तेस्रो व्यक्तिले पनि त्यस फाइललाई डाउनलोड गर्छ भने उसले अब दुई ठाउँबाट त्यस फाइललाई एक्सेस गर्नसक्छ क्रमशः मेरो र त्यस व्यक्तिको सिस्टमबाट । अब तेस्रो व्यक्तिले डाउनलोड गर्न थाले लगत्तै त्यस फाइलको तीनवटा स्रोत बन्दछ ।

यसरी टोरेन्टले वान टु वान नेटवर्कबाट एउटा वृहत जालो निर्माण गर्दछ, जसबाट फाइल जुनसुकै समय जुनसुकै व्यक्तिले जहाँबाट पनि एक्सेस पाउँदछ ।

टोरेन्ट प्रविधिमा फाइल टुक्रामा डाउनलोड हुन्छ । जुन सोर्सबाट जति मिल्यो त्यति डाउनलोड हुन्छ । कतैबाट शिर कतैबाट जिउ कतैबाट फेद हुँदै टुक्रामा डाउनलोड हुनछ । तर अन्त्यमा यो सबै डाउनलोड हुन्छ ।

त्यसमा दुईवटा पक्ष हुन्छ एउटा सिडर्स र अर्को लिचर्स । सिडर्स फाइल अपलोड गर्ने पार्टीलाई भनिन्छ । जब तपाईं फाइल डाउनलोड गर्नुहुन्छ तब तपाईलाई सिडर्सको नम्बर टेबलमा देखाइन्छ ।

सिडर्सको रेटिङ जति धेरै भयो तपाईंको टोरेन्ट फाइल त्यति नै राम्रो छ भन्ने कुरा बुझ्नु पर्दछ । यसलाई धेरैजनाले अपलोड गर्दैछन् भन्ने कुरा बुझ्नु पर्दछ ।

अर्को पक्ष भनेको लिचर्स हो । जसलाई हामी पियर्स पनि भन्छौं । लिचर्स त्यो पक्ष हो जसले फाइल डाउनलोड गरिरहेका हुन्छन् ।

यदि तपाईंले फाइल डाउनलोड गर्दै सिडर्स १० हजार र लिचर्स १२ हजार छन् भने फाइललाई १० हजारले अपलोड र १२ हजारले डाउनलोड गरिरहेका छन् भनेर बुझ्नुपर्दछ ।

यस्तो बेला त्यो फाइल एकदमै राम्रो स्पिडमा उपलब्ध छ भन्ने कुरा तपाईंले बुझ्नुपर्दछ । किनभने १० हजार जनाले त्यस फाइललाई अपलोड गरिरहेका हुन्छन् ।

तर कुनै फाइलमा २ जना सिडर्स छन्, तर पाँच सय जना लिचर्स छन् भने त्यस फाइललाई डाउनलोड नगर्नुहोस् । किनभने त्यसमा एकदमै कमले अपलोड गरिरहेको हुँदा डाउनलोड स्पिड कम हुन्छ र सिस्टमले थेग्न सकिरहेको हुँदैन ।

यसमा अर्को एउटा पक्ष हुन्छ एक्टिभ सिडर्स भनिन्छ । कसैले टोरेन्ट डाउनलोड गर्दैछ डाउनलोड भइसकेपछि पनि पनि टोरेन्टलाई बन्द गर्दैन भने उसको सिस्टमबाट फाइल अपलोड भएर सबैलाई फाइदा पुगिरहेको हुन्छ ।

यस्तै टोरेन्टमा लिचर्सका लागि अपलोड र डाउनलोड स्पिड चयन गर्ने विकल्प पनि हुन्छ । यस्तोमा कसैले आफ्नो डाउनलोड स्पिडलाई बढाएर अपलोड स्पिडलाई घटाउँछ भने सिडर्सको संख्यामा त उ गणना भइरहेको हुन्छ । तर त्यो टोरेन्ट १, २ केबीपीएसमा अपलोड भइरहेको हुन्छ र त्यस टोरेन्ट खासै स्वस्थकर हुँदैन ।

यदि तपाईं कुनै टोरेन्ट डाउनलोड गर्दै हुनुहुन्छ भने सिडर्सको संख्या धेरै भएको सुनिश्चित गर्नुहोस् । साथै यी दुवैको अनुपात पनि मिल्नुपर्छ । उदाहरणका लागि सिडर्सको संख्या १० हजार भयो तर लिचर्स एक लाख भयो भने यस किसिमको असन्तुलित अनुपातले पनि टोरेन्टलाई राम्रो बनाउँदैन ।

टोरेन्टसँग जोडिएर आउने कुराहरुमा यो पाइरेसीका लागि प्रयोग हुने बताइन्छ । तर यो गलत बुझाई हो । टोरेन्ट पाइरेसीका लागि पनि प्रयोग त हुन्छ । तर यसको वास्तविक प्रयोजन भनेको जुनकुनै उपयोगी फाइललाई व्यक्तिगत रिसोर्समा वान टु वान नेटवर्कबाट विश्वभर पुर्‍याउनु हो ।

धेरै धेरै ठूलठुला कम्पनीहरुले पनि यसको प्रयोग गर्छन् । २०१५ तिर आएको म्याग्नेट लिङ्क प्रविधिले फाइल कताकताबाट अपलोड भइरहेको छ भने सिडर्सलाई ट्रयाक गरेर जोड्न पनि मद्दत गर्दछ ।

यस्ता छन् टप टेन टोरेन्ट साइट

  1. The Pirate Bay
  2. YTS.mx
  3. 1337x
  4. NYAA.si
  5. RARBG
  6. FitGirl Repacks
  7. LimeTorrents
  8. EZTV.re
  9. TorrentGalaxy
  10. Zooqle

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team