मंगलबारदेखि फेसबुकमा ‘जब्स’ अप्सन हट्ने
फागुन ८, २०७८ १६:५९
काठमाडौं । मेटाले अब फेसबुकमा ‘जब्स’ अप्सन हटाउने भएको छ । विगतमा विभिन्न संस्थाले फेसबुकको यो फिचर प्रयोग गरी जागिरका लागि आह्वान गर्न सक्थे ।
त्यस्तै काम खोज्नेले पनि सोही अप्सनबाट निवेदन दिन सक्थे । कम्पनीले यो सुविधा मंगलबार (२२ फेब्रुअरी) देखि हटाउन लागेको हो । तर कतिपय प्रयाेगकर्ताले भने आफ्नो फेसबुक अकाउन्टबाट यो फिचर हटिसकेको समेत जनाएका छन् ।
मेटाले फेसबुक लाइट, फेसबुक एप र वेबबाट यो सुविधा हटाउने घाेषण गरेकाे छ ।
अमेरिका र क्यानडा बाहेक अन्य मुलुकबाट यो सुविधा सधैंका लागि बन्द गर्ने कम्पनीले तयारी गरेको हाे ।
पछिल्लो अध्यावधिक: असोज २, २०७९ २२:३२
