२०७९, १७ असार शुक्रबार   |  
Friday 1st July 2022

यस्ता छन् फोर्ब्सको सूचीमा पर्न सफल टप १० डिजिटल ब्राण्ड

फोर्ब्सले भर्खरै टप १०० डिजिटल ब्राण्डको सूची सार्वजनिक गरेको छ । जसमा अमेरिकी कम्पनीको दबदबा देखिएको छ । एप्पल, माइक्रोसफ्ट, अल्फाबेट, अमेजन लगायत ३८ ओटा अमेरिकी कम्पनी फोब्सको सय ओटा डिजिटल ब्राण्डको सूचीमा अटाउन सफल भएका हुन् ।

अमेरिका पछि टप १०० डिजिटल ब्राण्डको सूचीमा दोश्रो धेरै १२ ओटा चिनियाँ ब्राण्ड रहेका छन् । अलिबाबा, टेन्सेन्ट, चाइना टेलिकम, जेडी डटकम, बैडु, साओमी लगायतका रहेका छन् ।

यस्ता छन्, टप १० डिजिटल ब्राण्ड

आइफोन निर्माता कम्पनी एप्पल सूचीको पहिलो नम्बरमा पर्न सफल भएको छ भने कम्प्युटर सफ्टवेयर तथा प्रोग्रामिङ सम्बन्धि कम्पनी माइक्रोसफ्ट दोश्रो नम्बरमा रहेको छ । यी दुबै अमेरिकी कम्पनी हुन् ।
यस्तै, दक्षीण कोरियाली इलेक्ट्रोनिक कम्पनी सामसङ सूचीको तेश्रो नम्बरमा छ भने गुगलको प्यारेन्ट कम्पनी अल्फाबेट चौथो नम्बरमा रहेको छ ।
यसैगरी अमेरिकाकै दूरसञ्चार कम्पनी एटी एण्ड टी पाँचौ, ईकमर्स कम्पनी अमेजन छैटौँ र अर्को दूरसञ्चार कम्पनी भेरिजोन सातौँ स्थानमा रहेको छ । त्यसपछि आठौँ नम्बरमा भने हङकङको दूरसञ्चार कम्पनी चाइना मोबाइल, नवौँ स्थानमा अमेरिकाको केवल तथा प्रशारण संस्था वाल्ट डेस्नी र दशौँ स्थानममा चिनको ई–कमर्स कम्पनी अलिबाबा रहेको छ ।

फोर्ब्सको टप सय भीत्र पर्न सफल अन्य ब्राण्डको विषयमा थप जानकारीका लागि यहाँ क्लिक गर्नुहोस् ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team