कर्णालीमा पनि सुरु भयो टेलिकमको आईपीटिभी सेवा
फागुन २, २०७८ १६:२७
काठमाडौं । नेपाल टेलिकमले कर्णाली प्रदेशमा आफ्नो आईपीटिभी सेवा एनटीटिभी सुरु गरेको छ । कम्पनीले आइतबारदेखि कर्णाली प्रदेशमा रहेका आफ्ना ग्राहकलाई एफटीटीएच प्रविधिमार्फत यस्तो सेवा दिन थालेको हो ।
नेपाल टेलिकमले एउटै अप्टिकल फाइबरमार्फत टेलिफोन, इन्टरनेट र टेलिभिजन हेर्न सकिने सुविधा दिँदै आएको छ । कम्पनीले २०७७ पुस १७ गते सुरु गरेको यो सेवा हालसम्म ४२ जिल्लामा विस्तार गरिसकेको छ ।
फाइबर टु दि होम प्रविधिमार्फत टेलिकमको फोन अथवा इन्टरनेट सेवा लिइरहेका ग्राहकले एनटीटिभी सेवा प्रयोग गर्न सक्नेछन् । कर्णालीमा पहिलो पटक वीरेन्द्रनगर सुर्खेतबाट कम्पनीले यो सेवा दिन थालेको हो ।
पछिल्लो अध्यावधिक: असोज २, २०७९ २२:३२
