२०७९, २३ असार बिहिबार   |  
Thursday 7th July 2022

ह्वावेलाई प्रतिबन्ध लगाउने फैसलामा स्विडेन पुनरावेदन अदालतको साथ

काठमाडौं । स्विडेनको पुनरावेदन अदालतले ह्वावेलाई फाइभजी पूर्वाधारमा प्रतिबन्ध लगाउने तल्लो अदालतको फैसलालाई निरन्तरता दिएको छ । योसँगै फाइभजी पूर्वाधारमा चिनियाँ कम्पनी ह्वावेलाई अर्को धक्का लागेको छ ।

यसअघि सन् २०२० मा स्विडेनको दूरसञ्चार नियामक निकायले ह्वावेलाई फाइभजी पूर्वाधारमा प्रतिबन्ध लगाउने निर्णय गरेको थियो । नियामकको सो निर्णय विरुद्ध कम्पनीले अघिल्लो वर्ष तल्लो अदालत पुगेको थियो ।

तल्लो अदालतले नियामकको निर्णयलाई सदर गरिदियो । यस्तोमा कम्पनी पुनरावेदन अदालत पुगेको थियो । तर, पुनरावेदन अदालतले पनि तल्लो अदालतको फैसलालाई नै निरन्तरता दिएको छ ।

यो सँगै युरोपेली बजारमा ह्वावेका लागि अर्को ठूलो धक्का लागेको छ । ह्वावेका पूर्वाधारमाथि पहिलाे पटक अमेरिकाले प्रतिबन्ध लगाएकाे थियाे । याे क्रम युरोपेली मुलुकमा समेत फैलिएकाे छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team