ट्रेन्डिङ:
सजिलो सेवामा नयाँ सुविधा, अब अनलाइनबाटै फोटोग्राफरदेखि ड्राइभर बुक गर्न मिल्ने माइक्रोवेभभित्र झुक्किएर पनि नराख्नुहोस् यी ५ चिज  आईओएस १६ मा ब्याट्री पर्सेन्टेज देखिएन ? यसो गर्नुहोस् कलेजहरुमा ब्राण्ड एम्बेस्डर खोज्दै हाम्रो बजार सरकारी पेन्सन आजदेखि अनलाइनबाट सोझै खातामा आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल विद्युतीय स्कुटरमार्फत सामान डेलिभरी गर्दै दराज नेपालमा यस्तो छ हुन्डाईको डेडिकेटेड इभी शोरुम क्लिन फिड च्यानलका रुपमा भारतको ‘जी’ नेटवर्कले थाल्यो नेपालमा प्रसारण आईटी विद्यार्थीलाई जापानी कम्पनीमा इन्टर्नशिप गर्ने मौका
close

सजिलो सेवामा नयाँ सुविधा, अब अनलाइनबाटै फोटोग्राफरदेखि ड्राइभर बुक गर्न मिल्ने

टेकपाना टेकपाना

भदौ १४, २०७९

सजिलो सेवामा नयाँ सुविधा, अब अनलाइनबाटै फोटोग्राफरदेखि ड्राइभर बुक गर्न मिल्ने

काठमाडौं । घर, अफिस, होटल तथा अन्य संघसंस्थाका लागि अनलाइनमार्फत परामर्श तथा मर्मत सेवा दिँदै आएको स्टार्टअप कम्पनी सजिलो सेवाले विभिन्न पाँच सुविधा थप गरेको छ ।

आगामी शुक्रबार आफ्नो आधिकारिक एप सार्वजनिक गर्दै सजिलाे सेवाले यी सुविधा उपलब्ध गराउने जानकारी दिएकाे छ ।

टेकपानासँग कुरा गर्दै सजिलो सेवाका सह-संस्थापक कविश श्रेष्ठले भने, “हामीले हरेक महिना उपभोक्ताको मागलाई सम्बोधन गर्दै विभिन्न सेवा थप गरिरहेका छौँ । आगामी हप्ता एप लन्च गर्ने कार्यक्रम रहेकाले त्यसअघि नै थप सेवा उपलब्ध गराउने योजना छ ।”

सजिलो सेवाले थप गरेका पाँच ओटा सेवामध्ये एक हो, लुगा धुने सेवा । उपभोक्ताले सजिलो सेवाको साइटमार्फत् लुगा धुनका लागि घरमै मानिसहरू बोलाउन सक्छन् ।

त्यस्तै सजिलो सेवाले फोटोग्राफी सेवा पनि थप गरेको छ । विशेषगरी विभिन्न कार्यक्रममा फोटोग्राफरको आवश्यकतालाई माग गर्दै यो सेवा ल्याएको श्रेष्ठले जानकारी दिए । वैवाहिक समारोह, व्रतबन्ध, स्कुलका कार्यक्रमका लागि सजिलो सेवाबाट फोटोग्राफर बोलाउन सकिन्छ ।

त्यस्तै सजिलो सेवाले ‘ड्राइभर अन कल’ सेवा पनि थप गरेको छ, जसका माध्यमबाट आफूलाई आवश्यक परेको समयमा ड्राइभर राख्न सकिन्छ ।

‘आफूसँग गाडी छ, तर केही कारणले चलाउन पाइरहनु भएको छैन भने दिन, हप्ता वा महिनाका लागि ड्राइभर राख्न सक्नुहुन्छ । यो सेवा पनि सजिलो सेवाको साइट तथा मोबाइल एप्लिकेसनबाट लिन सकिन्छ,’ श्रेष्ठले भने ।

यसैगरी सजिलो सेवामा ‘इभेन्ट मेनेजमेन्ट’ कार्यक्रम पनि समावेश गरिएको छ । कुनै पनि कार्यक्रम जस्तै; बिहे, जन्मदिन उत्सव लगायत अन्य कार्यक्रम व्यवस्थित तरिकाले सम्पन्न गर्नु छ भने तपाईंले सजिलो सेवाको यो सेवा उपयोग गर्न सक्नुहुन्छ ।

यस सेवाअन्तर्गत कार्यक्रम सजावट, कार्यक्रम आयोजना, फोटो तथा भिडिओग्राफी सेवाहरू रहेका छन् । त्यस्तै सजिलो सेवाले थप गरेको अर्को सेवा हो ‘हेल्थ याट होम’ ।

यस सेवा अन्तर्गत तपाईंले घरमा नै विभिन्न स्वास्थ्य सेवाहरू जस्तै रगत जाँच, पीसीआर परीक्षण, मल मूत्र परीक्षण लगायत यस्ता विभिन्न सेवा घरबाटै लिन सकिन्छ । त्यसका लागि तपाईंले सजिलो सेवामार्फत यो सेवा अर्डर गर्नुपर्ने हुन्छ ।

समय अनुसार उपभोक्ताको मागलाई सम्बोधन गर्दै यि सेवाहरू ल्याएको श्रेष्ठले जनाएका छन् ।

“उपभोक्ताले हरेक सेवा घरबाटै पाउन सकुन् भन्ने विचारले हामीले यस्ता सेवा ल्याइरहेका छौँ,” उनले भने, “अबको केही दिनमा हामी एप सार्वजनिक गर्दै छौँ । त्यसपछि सजिलो सेवाका हरेक सेवा एपबाट नै लिन सकिन्छ ।”