क्यामियो ब्रान्डको इयरबड नेपाली बजारमा, लगातार ४० घण्टासम्म ब्याकअप दिने दाबी
असोज २८, २०८० १४:१६
काठमाडौं । क्यामियो इन्टरनेसनल प्रालिले नेपाली बजारमा 'क्यामियो फायर १०० इयरबड्स' भित्र्याएको छ । युवा प्रयोगकर्तालाई मध्यनजर राखी कम्पनीले यो इयरबड उपभोक्ताका लागि उपलब्ध गराउन थालेको हो ।
कम्पनीका अनुसार यसमा ४० घन्टा प्लेटाइम र ३० दिन स्ट्याण्डबाई टाइम रहेकाे छ । यो इयरबडमा स्टेरियो एचडी साउन्ड क्वालिटी साथै एआई–इएनसी रहेको छ ।
इयरबडले स्वतः ९० प्रतिशत न्वाइज कन्ट्रोल गर्ने कम्पनीको दाबी छ । साथै इयरबड्स स्वीट एण्ड डस्ट रेसिस्टेन्ट भएकाले पसिना र धुलोले नबिगार्ने बताइएकाे छ ।
स्मार्टफोनसँग कनेक्ट गर्न क्यामियो फायर १०० मा भ्वाइस असिस्टेन्ट सपोर्टका साथ ब्लुटुथ भर्सन ५.३ रहेको छ ।
५० एमएएचको ब्याट्री पावर र चार्जिङ बक्समा ४०० एमएएचको ब्याट्री प्याक रहेको यस इयरबड्सलाई एक घण्टामा फुल चार्ज गर्न सकिनेछ ।
यो इयरबडको मूल्य दराजमा २४ सय ९९ रुपैयाँ छ ।
पछिल्लो अध्यावधिक: असोज २८, २०८० १४:२५
