कान्तिपुर इन्जिनियरिङ कलेजमा विद्यार्थीहरूका आविष्कार प्रदर्शनी तथा रोजगारी महोत्सव हुँदै
फागुन ८, २०८० १६:१४
काठमाडौं । कान्तिपुर इन्जिनियरिङ कलेजले 'केईसी लाइट टेक्निकल एक्जिविसन' आजोजना गर्ने भएको छ । यही फागुन ९ र १० गते ललितपुरको धापाखेलस्थित कलेज प्राङ्ग्रणमा आयोजना हुने प्रदर्शनीमा काठमाडौं उपत्यकाका विभिन्न कलेजमा अध्ययनरत विद्यार्थीले सिर्जना गरेका नयाँ आविष्कार प्रदर्शनीमा राखिने कलेजले जनाएको छ ।
कार्यक्रममा प्रदर्शनीसँगै ह्याकाथन, आइडियाथन, कोडिङ सम्बन्धी प्रतिस्पर्धा, रोबो रेस, पीसी/मोबाइल गेम लगायतका कार्यक्रम पनि हुनेछन् ।
सोही अवसरमा 'केईसी करियर एक्स्पो २०२४' नामक रोजगारी महोत्सव समेत हुनेछ, जहाँ विद्यार्थीले आफू अनुकूल रोजगारी खोज्ने अवसर पाउने कलेजले जनाएको छ ।
पछिल्लो अध्यावधिक: फागुन ८, २०८० १६:१९
