दीपेन्द्र सिंह ऐरीले पाए ओमोडा बिजुली कार
पुस ६, २०८१ १६:३९
काठमाडौं । दीपेन्द्र सिंह ऐरीले ओमोडा बिजुली कार जितेका छन् । शनिबार सम्पन्न नेपाल प्रिमियर लिग (एनपीएल)को पहिलो संस्करणमा नेपाली खेलाडीमध्ये उत्कृष्ट हुँदै सुदूरपश्चिम रोयल्सका कप्तान ऐरीले ओमोडा ई-फाइभ कार पाएका हुन् ।
यसअघि शारडा ग्रुपले एनपीएलको उत्कृष्ट खेलाडीलाई यो कार उपहार दिने घोषणा गरेको थियो । नेपाली बजारमा ओमोडा ई-फाइभकाे मूल्य ६१ लाख ९९ हजार रुपैयाँ रहेकाे छ ।
टीयू क्रिकेट मैदानमा भएको फाइनलमा जनकपुर बोल्ट्सले सुदूरपश्चिम रोयल्सलाई ५ विकेटले हराएको थियो ।
पछिल्लो अध्यावधिक: पुस ६, २०८१ १७:३५
