२०७९, २४ श्रावण मंगलबार   |  
Tuesday 9th August 2022

आईप्रोका मोबाइल फोन नेपाली बजारमा आउँदै

काठमाडौं । विश्व प्रसिद्ध ब्राण्ड आईप्रो मोबाइल नेपाली बजारमा भित्रिने भएको छ । नेपाली बजारमा आईप्रो ब्राण्डलाई प्रतिष्ठित व्यवसायीक घराना एपेक्स ग्रुपले भित्र्याउन लागेको हो ।

नेपालका लागि एकमात्र आधिकारीक आयातकर्ता तथा बिक्रेताको रुपमा एपेक्स ग्रुपले आइप्रो ब्राण्डका फिचर फोनहरु नेपाली बजारमा बिक्री गर्नेछ । पहिलो चरणमा कम्पनीले आईप्रोका सिमित मोडलका फीचर फोनहरु मात्र बिक्री गर्नेछ भने भने बिस्तारै अन्य डिजाइनमा फोनहरु उपलब्ध गराउने छ ।

एपेक्सले आइप्रो ब्राण्डका फेशनेबल र लाइफस्टायलसँग जोडिएर उत्पादन भएका फोनहरु नेपालमा ल्याउन लागेको हो । कम्पनीले नेपाली उपभोक्ताहरुको माग र आवश्यकतालाई मध्य नजर गरेर आईप्रोका फीचर फोन मोडलहरु ल्याउन लागेको हो ।

एपेक्स ग्रुपका सेल्स हेड अशोक गौतमले बजारमा फिचर फोनको माग पनि उत्तिकै रहेको हुँदा विश्वको प्रमुख ब्राण्डलाई नेपालमा ल्याउन लागेको बताए ।

‘हामीलाई नेपाली ग्राहकहरुबाट गुणस्तरीय फीचर फोनको माग भईरहेको र बजार अध्ययनमा पनि ग्राहकहरुले गुणस्तरयुक्त फीचर फोनहरु खोज्ने गरेका छन, ‘त्यसैले हामीले विभिन्न अवार्डहरु जितेर अमेरिका र युरोपेली बजारमा निकै लोकप्रिय भएको आइप्रो ब्राण्डलाई ल्याउन लागेका हौं,’ सेल्स हेड अशोक गौतमले भने ।

उनकाअनुसार आईप्रोलाई छिटै नेपाली बजारमा ग्राहकहरुको हातहातमा पुर्‍याउने गरि योजना बनिरहेको छ । आइप्रोका फीचर फोनहरुमा ड्यूल सिम, वायरलेस एफएम, क्यामरा, मेमोरी कार्ड थप्नसकिने सुविधा, भिडियो रेकर्ड गर्नसकिने सुविधालगायतका विशेषताहरु हुनेछन् ।

अमेरिकी र यूरोपेली बजारमा आईप्रोका फोनहरु निकै रुचाईएको छ । जहाँ कम्पनीले दि लिडिङ यूरोप डिजाइनिंग ब्राण्ड, रेड डट आईएफ ताथ वल्र्ड इन्डष्ट्रिअल डिजाइन अवार्डस, वल्र्ड मस्ट कन्जुमर ट्रस्टेड ब्राण्डसलगायतका अवार्डहरु हात पारेको छ ।

कम्पनीसँग आफ्नै अनुसन्धान तथा विकास क्षमता रहेको छ भने विश्वव्यापीरुपमा फोनहरु बिक्री गर्ने गर्दछ । सन् २००१ मा आइप्रो ब्राण्ड स्थापना भएको हो र हाल यसको आर एण्ड डिमा मात्रै ३ हजार भन्दा बढि कर्मचारीहरु रहेका छन् ।

आईप्रोले विश्वमै पहिलो पटक ड्यूल सिम ड्यूल स्ट्याण्डबाई जीएसएम मोबाइल फोन सन् २००७ मा लन्च गरेको थियो । जसले मोबाइल फोन उद्योगमा नै क्रान्ति ल्याएको थियो ।

आईप्रोले आफ्ना मोबाइल फोनहरु भारत, मलेशिया, इण्डोनेशिया, ल्याटिन अमेरिका, उत्तर अमेरिका र यूरोपमा १०० भन्दा बढि देशहरुमा बिक्री गरिरहेको छ । कम्पनीले फीचर फोन, स्मार्टफोन, रग्ड फोनसहितका उत्पादनहरु बिक्री गर्दै आएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team