२०७९, ८ जेष्ठ आइतबार   |  
Sunday 22nd May 2022

इन्टरनेट ग्राहक थप्नेमा वर्ल्डलिङ्क र सुबिसु अगाडि, वर्ष दिनमै १ लाख बढी

internet services

काठमाडौं । गएको एक वर्षमा इन्टरनेटमा जोडिने घरपरिवार सङ्ख्याले नयाँ रेकर्ड राखेको छ । विभिन्न इन्टरनेट सेवाप्रदायकले गत वर्षको असारदेखि यताको एक वर्षमा कूल चार लाख ३७ हजार ७३६ ओटा नयाँ घरमा इन्टरनेट सेवा जोड्न सफल भएका छन् ।

यससँगै १६ लाख नौ हजार ६९ घरपरिवारमा फिक्स लाइन इन्टरनेट पुगेको छ । नियामक नेपाल दूरसञ्चार प्राधिकरणका अनुसार यसबाट ५७ लाख १७ हजार २५६ प्रयोगकर्ताले इन्टरनेट प्रयोग गर्न  पाएका छन् ।

पछिल्लो एक वर्षको अवधिमा सबैभन्दा धेरै ग्राहक जोड्ने वर्ल्डलिङ्क र सुबिसु दुवैले एक लाखभन्दा बढी ग्राहक जोडेका छन् । दुई कम्पनीले एक वर्षमै एक लाख भन्दा बढी नयाँ ग्राहक जोडेको यो नै पहिलो पटक हो ।

यद्यपि वर्ल्डलिङ्कले भने २०७४ देखि २०४५ बीचको अवधिमा एक लाखभन्दा बढी नयाँ कनेक्सन जोडेको थियो । नेपाल दूरसञ्चार प्राधिकरणको एमआईएस (म्यानेजमेन्ट इन्फरमेसन सिस्टम) अनुसार गत वर्षको असारदेखि २०७८ जेठसम्म वर्ल्डलिङ्कले एक लाख नौ हजार ३०६ ओटा घरमा इन्टरनेट जडान गरेका छन् ।

यस्तै दोस्रो धेरै ग्राहक बनाउन सफल सुबिसुले एक लाख ६ हजार ४१४ ओटा नयाँ कनेक्सन बनाएको छ । यस अवधिमा धेरै ग्राहक बनाउने इन्टरनेट सेवाप्रदायक कम्पनीमा वेबसर्फर छ ।

जसले ५५ हजार ३७८ नयाँ कनेक्सन तयार पारेको छ भने चौथोमा रहेको क्लासिक टेकले ४५ हजार २५३ नयाँ ग्राहक बनाउन सफल देखिएको छ । यसैगरी पछिल्लो एक वर्षमा धेरै ग्राहक बनाउने सेवाप्रदायकको सूची अन्तर्गत पाँचौं नम्बरमा नेपाल टेलिकम रहेको छ ।

जसले ४४ हजार ३८ ओटा घरमा इन्टरनेट जोडेको छ । त्यसपछि इन्टरनेटका नयाँ ग्राहकको रुपमा क्रमशः भायनेटमा ३६ हजार ६२२ र टेकमाइन्ड्समा १९ हजार ४१५ घरपरिवार जोडिएका छन् ।

सेवाप्रदायक०७७ असार०७८ जेठनयाँ ग्राहक
वर्ल्डलिङ्क३,७५,८३३४,८५,१३९१,०९,३०६
नेपाल टेलिकम२,४९,५९६२,९३,६३४४४,०३८
सुबिसु१,०४,०९९२,१०,५१३१,०६,४१४
क्लासिक टेक१,०५,५०७१,५०,७६०४५,२५३
भायनेट१,११,०७०१,४७,६९२३६,६२२
वेबसर्फर१८,६६४७४,०४२५५,३७८
टेकमाइन्ड्स४२,९०६६२,३२३१९,४१५
ब्रोडलिङ्क६०,७५४४६,२१८-१४,५३६
अन्य१,०२,९०२१,३८,७४८३५,८४६

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team