close

आउँदो सातादेखि ‘पब्जी मोबाइल साउथ एसिया फल’, नेपालबाट ११ टिमले प्रतिस्पर्धा गर्ने

टेकपाना टेकपाना

भदौ ८, २०७९

आउँदो सातादेखि ‘पब्जी मोबाइल साउथ एसिया फल’, नेपालबाट ११ टिमले प्रतिस्पर्धा गर्ने

काठमाडौँ । आउँदो सातादेखि ‘पब्जी मोबाइल साउथ एसिया फल २०२२’ प्रतियाेगिता हुने भएकाे छ । क्राफ्टन, टेन्सेन्ट गेम्स र नडविन गेमिङको संयुक्त आयोजना हुने यो प्रतियोगिता अगस्ट २९ देखि अक्टोबर २ (भदाै १३ देखि असाेज १६)  सम्म चल्नेछ ।

यो अनलाइन प्रतियोगितामा कुल २० टिमको सहभागिता रहने छ, जसमा नेपालबाट मात्रै ११ टिम सहभागी हुँदैछन् । त्यस्तै मङ्गोलियाबाट पाँच र बङ्गलादेशबाट चार टिमले प्रतिस्पर्धा गर्दैछन् ।

नेपाली टिममा ज्यानमारा ई-स्पोर्ट्स, डीआरएस गेमिङ, हाइ भोल्टेज, इलिमेन्ट्रिक्स, ट्रेन टु किल, डेडआइज गाइज, रअ ई-स्पोर्टस, स्काइलाइट गेमिङ, विजेज क्लब, द एट्रयाक्स ई-स्पोर्टस र भेनम लेजेन्डले रहेका छन् ।

प्रतियोगिताको लिग (समूह) चरणका खेल भदाै १३ देखि भदाै ३० गतेसम्म चल्नेछ । यसअन्तर्गत २० टिमलाई पाँच समूहमा विभाजन गरेर खेलाइने छ ।

तीन हप्तासम्म चल्ने लिग चरणको खेलमा हरेक हप्ता छुट्टाछुट्टै अङ्क तालिका हुनेछ । त्यसैले हरेक हप्तापछि टिमले नयाँ सुरुवात गर्न सक्नेछन् ।

तेस्रो हप्तासम्मको सबै खेल सकिँदा अङ्क तालिकाको शीर्ष १६ भित्र पर्ने टिमले फाइनल चरणका खेल खेल्नेछन् ।

यो प्रतियोगिताको प्रत्यक्ष प्रसारण पब्जी मोबाइल ई-स्पोर्टस साउथ एसिया युट्युब च्यानलबाट हेर्न सकिने छ ।