साओमीका डिभाइस खरिद गर्न नबिल बैंकका ग्राहकलाई निर्ब्याजी किस्ता
माघ १८, २०७९ ११:३०
काठमाडौंः नबिल बैंकका ग्राहकलाई साओमी ब्राण्डका सामान खरिद गर्दा ब्याज नलाग्ने भएको छ । नबिल बैंक लिमिटेड र साओमी नेपाल बीच शून्य इएमआई सम्बन्धी सम्झौता भएको हो ।
सम्झौतामा नबिल बैंकका तर्फबाट वरिष्ठ नायब प्रमुख कार्यकारी अधिकृत सुजित कुमार शाक्य र साओमी नेपाल, नेपाल प्रमुख अमित कुमार पन्डा, रमेश कर्पोरेशनका कार्यकारी निर्देशक सञ्जय अग्रवालले संयुक्त रुपमा हस्ताक्षर गरेका छन् ।
सम्झौताअनुसार नबिल बैंक ग्राहकले साओमी ब्राण्डका मोबाइल फोन, ल्यापटप र टेलिभिजन खरिद गर्दा इएमआईमा ब्याज लाग्नेछैन । यस्तो सुविधा तीन महिना र छ महिनाको लागि उपलब्ध गराइएको नबिल बैंकले जनाएको छ ।
शून्य प्रतिशत, ३० प्रतिशत, अथवा ५० प्रतिशत डाउन पेमेन्ट गरी साओमी ब्रान्डको मोबाइल, टेलिभिजन अथवा ल्यापटप खरिद गर्न सकिनेछ । त्यस्तै मोबाइल, टेलिभिजन र ल्यापटपमा ५० प्रतिशतभन्दा कम डाउन पेमेन्ट गरेमा ब्याज नलागे पनि न्युनतम सेवा शुल्क भने लाग्ने उल्लेख गरिएको छ ।
हाल यो सुविधा नबिल बैंकका क्रेडिट कार्ड होल्डरहरूको लागि मात्र उपलब्ध गराइएको छ ।
पछिल्लो अध्यावधिक: माघ १८, २०७९ ११:३१
