नेपाल टेलिकमको क्रिकेट धमाका: रु. ६९९ मै ३०० जीबी डेटा, रु. ४९९ मा १५० जीबी डेटा

काठमाडौं । सरकारी स्वामित्वको दूरसञ्चार कम्पनी नेपाल टेलिकमले नेपाल प्रिमियर लिग (एनपीएल) क्रिकेट प्रतियोगितालाई लक्षित गर्दै ‘एनटी क्रिकेट धमाका प्याक’ सार्वजनिक गरेको छ ।

बिहीबार राजधानीमा आयोजित एक कार्यक्रममार्फत कम्पनीले नयाँ प्याकको घोषणा गरेको हो । यो योजना अन्तर्गत रु. ६९९ मा एक महिनाका लागि ३०० जीबी डेटा उपलब्ध हुनेछ, जसमा दैनिक १० जीबी डेटा प्रयोग गर्न सक्ने सुविधा दिइएको छ । एक दिनमा १० जीबीको लिमिट पूरा भए बाँकी समय ३ एमबीपीएस गतिमा डेटा उपलब्ध हुनेछ ।

त्यस्तै, टेलिकमले रु. ४९९ मा एक महिनासम्म चलाउन सकिने गरी १५० जीबी डेटाको अफर पनि उपलब्ध गराएको छ । यस योजना अन्तर्गत प्रयोगकर्ताले दैनिक ५ जीबी डेटा उपयोग गर्न सक्नेछन् । ५ जीबीको लिमिट पूरा भए २ एमबीपीएस गतिमा डेटा चल्नेछ ।

मोबाइलमा *1415*11# डायल गरी वा नेपाल टेलिकमको मोबाइल एपमार्फत ​एनटी क्रिकेट धमाका प्याक एक्टिभेट गर्न सकिने कम्पनीले जनाएको छ ।

पछिल्लो अध्यावधिक: मंसिर १३, २०८१ २१:१२

टिप्पणीहरू