७५० स्थानीय तहमा पुग्यो नेपाल टेलिकमको फोरजी सेवा

काठमाडौँ । नेपाल टेलिकमले डोल्पाको छार्का ताङसोङ गाउँपालिकाको केन्द्र कागकोटमा फोरजी सेवा सञ्चालनमा ल्याएको छ । कम्पनीले समुद्री सतहदेखि ४,२०० मिटरको उचाइमा अवस्थित मुकोटस्थित टावरमा फोरजी उपकरण जडान गरी माइक्रोवेभ रेडियो लिंकमार्फत फोरजी सेवा सञ्चालनमा ल्याएको हो ।

माथिल्लो डोल्पा क्षेत्रमा सञ्चालनमा ल्याइएको यो पहिलो फोरजी साइट हो । अब डोल्पाका डोल्पो बुद्ध र शे–फोक्सुन्डो गाउँपालिका तथा मनाङको नार्पा भूमि गाउँपालिकामा मात्र फोरजी सेवा पुग्न बाँकी छ ।

यसबाहेक ७५० स्थानीय तहमा फोरजी सेवा विस्तार गरिसकेको नेपाल टेलिकमले जनाएको छ ।

पछिल्लो अध्यावधिक: जेठ ११, २०८३ १५:४२

टिप्पणीहरू