शाओमी बन्यो नेपालकै नम्बर वान स्मार्टफोन !

काठमाडौं । शाओमीले आफू नेपालको नम्बर वान स्मार्टफोन ब्राण्ड बन्न सफल भएको दाबी गरेको छ । मोबाइल फोन ट्रयाकर आईडीसीको शनिबार प्रकाशित रिपोर्ट अनुसार कम्पनीले आफूलाई नेपालकै नम्बर वान स्मार्टफोन ब्राण्ड दाबी गरेको हो ।

सन् २०१८ अक्टुबरदेखि नेपालमा प्रवेश पाएको यो ब्राण्डले छोटो समयमै उल्लेखनीय प्रगति गर्न सफल भएको छ । सन् २०२० को पहिलो त्रैमासिकमा नेपालमा शाओमीपछि सामसङ र भीभोले पछ्याइरहेका छन् ।

यस अवधिमा शाओमीले नेपालको ३०.९ प्रतिशत बजार हिस्सा ओगट्न सफल भएको दाबी गरेको छ । नेपालमा बिक्री भएका शिर्ष १० स्मार्टफोनहरु मध्ये चार ओटा आफ्ना रहेको उसको भनाई छ । कम्पनीका रेड्मी नोट एट र रेड्मी ८ नेपालमा पछिल्लो समय राम्रो बजार लिन सफल भएका छन् ।

सूची नम्बर	स्मार्टफोन बिक्रेता	बजार हिस्सा
१	शाओमी	३०.९५
२	सामसङ	१८.६५
३	भीभो	१२.३५
४	ओप्पो	१०.०५

स्रोतः आईडीसी मोबाइल फोन ट्रयाकर रिपोर्ट, पहिलो त्रैमासिक सन् २०२०

शाओमी नेपालका कन्ट्री जनरल म्यानेजर सौरभ कोठारीले आफूहरु पहिलो पटक स्मार्टफोन बजारमा अग्रणी रहन सफल भएको बताए । ‘यो हाम्रो लागि उत्साहजनक क्षण हो,’ उनले भने, ‘हामी हाम्रा फ्यानहरूबाट प्राप्त अतुलनीय प्रेम र समर्थनको लागि आभारी छौं, जसले हामीलाई हरेक मार्गमा विश्वास गरेका छन् ।’

उत्कृष्ट फिचर, उच्च गुणस्तर र वस्तुपरक मूल्यकै कारण शाओमी नेपालकै नम्बर वान ब्राण्ड बन्न सफल भएको उनको भनाई छ । कम्पनीको अनलाइन बिक्री साझेदार दराज डट कमको सबै सेल्स इभेन्टहरुमा शाओमी नै नम्बर वान रहेको थियो ।

शाओमीले एक बर्षमा देशभर ३५० मी प्रिफर्ड पार्टनर पसल सहित ९०० भन्दा बढी अफलाइन साझेदारहरू स्थापना गरेको छ । जसकै कारण नेपालमा कम्पनीकोे उपस्थितिलाई सुदृढ बनाएको बताइन्छ ।

पछिल्लो अध्यावधिक: असोज २, २०७९ २२:३३

टिप्पणीहरू