अमेरिकन आईडल फाइनलको सम्पूर्ण शूट आईफोनमा

काठमाडौं । नेपाली युवा दिवेश पोखरेल अर्थात अर्थर गन अमेरिकन आईडलको उप विजेदा बने । भोटिङका आधारमा आइतबार भएको फाइनलमा जस्ट साम अमेरिकन आईडल बनेपछि नेपाली युवा पोखरेलले उप विजेतामै चित्त बुझाउनुपर्‍यो ।

परम्परागत विधिमा चलिरहेका धेरै क्षेत्रलाई कोभिड-१९ अर्थात कोरोना महामारीले सृजनात्मक हुन र लचिलो बनाइरहेको छ । केही समय अघि असम्भव देखिएका क्षेत्रहरु अहिले पुनः सञ्चालनमा आएका छन् ।

American Idol gets closer to crowning the 2020 winner with an all-new episode.
नेपाली युवा दिवेश पोखरेल अर्थात अर्थर गन । तस्वीरः अमेरिकन ब्रोडकास्टिङ कम्पनी

विश्व लडाउनका कारण घरभित्र थुनिएको अवस्थामा सेवा सञ्चालनलाई सहजीकरण गर्ने उद्देश्यले धेरै नेटवर्क प्लेटफर्महरु विकास भइरहेका छन् ।

एप्पलले विभिन्न प्रडक्सन हाउसहरुसँग मिलेर काम गरिरहेको छ । उसले प्रोड्युसर तथा होस्टहरुलाई एप्पल पावर्ड रिग्सहरु उपलब्ध गराइरहेको छ ।

एप्पलको आईफोन पावर्ड रिग्स प्रयोग गर्ने सूचीमा पार्क्स एण्ड रिक्रिएसन रियुनियन, कोनान ओब्रियन र जिम्मी फ्यालोन्सको लेट नाइट शो र लोकप्रिय रियालिटी शो अमेरिकन आईडल रहेका छन् । 

अहिले एबीसी शोका प्रोड्युसहरुले एप्पलका त्यस्ता होम स्टुडियो रिग्सहरु सबै प्रतिस्पर्धीहरुको घरघरमा पठाइरहेका छन् । अमेरिकन आईडलका प्रतिस्पर्धीहरुले समेत घरबाट नै फाइनलका एपिसोडमा भाग लिए ।

जजले तिनै प्रस्तुतीहरुको मूल्याङ्कन गरे ।  यसक्रममा फाइनलका सबै सिनहरु आईफोनबाटै शूट भए ।

American Idol is Being Shot on iPhone Rigs During Lockdown
अमेरिकन आईडल विजेता जस्ट साम । तस्वीरः पेटा पिक्सेल

एप्पलको यो होम स्टुडियो रिगमा तीनवटा क्यामेरा सेटअप, तीन वटा आईफोन इलाभेन प्रो, एउटा ट्राइपोड र एउटा रिङ लाइट रहेको छ ।

प्रडक्सन टिमले टाढै बसेर सुरक्षित तवरबाट क्यामेरा सेटअप र एडिटिङमा सहयोग गरे । यसैगरी अहिले धेरै टेलिभिजन र फिल्म स्टुडियोहरुले स्मार्टफोनबाट सामग्रीहरु उत्पादन गरिरहेका छन् । 

नेपाली युवा दिवेश पोखरेल अर्थात अर्थर गनको फाइनल राउण्डको प्रस्तुति
अमेरिकन आइडलको विजेता घोषणा

एजेन्सीको सहयोगमा ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team