काठमाडौं । आउँदो साता नेपालमा भिभोका नयाँ मोबाइल सार्वजनिक हुने भएको छन् । कोरोना भाइरसको महामारी तथा लकडाउनका कारण ढिलो गरी नेपाल भित्रिएका भिभोको बहुप्रतिक्षित स्मार्टफोन नेपालमा सार्वजनिक हुने निश्चित भएको हो ।
कम्पनीका अनुसार जुलाई पहिलो साता (आगामी साता) भिभो भी नाइन्टिन स्मार्टफोन सार्वजनिक हुने छ । जसको मूल्य ४९ हजार ९९९ रुपैयाँ पर्ने जनाइएको छ । मोबाइलमा ६.४४ इञ्चको एस एमोलेड डिस्प्ले रहेको छ ।
डिस्प्लेभित्रै फिंगरप्रिन्ट राखिएको यो फोनमा स्नाप ड्राग्न ७१२ अक्टाकोर प्रोसेसर रहेको छ । २.३ गिगाहर्ज १० एनएम डिजाइनको भिभो भी १९ मा ४८ मेगापिक्सेलको मूख्य क्यामेरा सहित तीन वटा क्यामेराको सेटअप रहेको छ ।
आठ जीबी र्याम रहेको यो मोबाइलमा १२८ जीबीको आन्तरिक मेमोरी रहेको छ भने डेडिकेटेड स्लटमा माइक्रो एसडी कार्ड राखेर ५१२ जीबीसम्म यसलाई विस्तार गर्न सकिने कम्पनीले जनाएको छ ।
यो मोबाइलमा ४५०० एमएएच क्षमताको ब्याट्री, ३३ वाट फ्ल्यास चार्ज, २.० वाईफाई ब्लूटुथ, यूएसबी टाइप सी जीपीएस र ओटीजी समेत रहेको छ ।
एप क्लोन, स्मार्ट स्प्लिट, किड मोड, जोभी स्मार्ट सिन, आई प्रोटेक्सन मोड फिचर रहेको यो फोनको तापक्रम कम गर्न ट्युव लिक्विड कूलिङ राखिएको छ । एन्ड्रोइड टेनमा आधारित यो फोनमा फन टच ओएस टेन समेत रहेको छ । नयाँ मोबाइलसँगै हाल नेपालमा उपलब्ध भिभोका स्मार्टफोनको नयाँ मूल्य सूची पनि बाहिरिएको छ ।