लामो समयसम्म हेडफोन प्रयोग गर्दा हुन सक्छ यस्तो खतरा

side effect of headphone use

काठमाडौं । कोरोना भाइरसको महामारीका कारण धेरैजसो मानिसहरु अहिले पनि घरबाटै अफिसको काम गरिरहेका छन् । यस्तोमा उनीहरुलाई घण्टौंसम्म हेडफोन तथा इयरफोनको प्रयोग गर्नु परिरहेको छ ।

लामो समयसम्म लगातार रुपमा हेडफोन प्रयोग गर्दा हरेक दिन नयाँ नयाँ समस्याहरु देखिन थालेका छन् । डाक्टरहरुको भनाइमा यस्ता केसहरु बढी आउन थालेका छन्, जसमा धेरैजसो लामो समयसम्म हेडफोनको प्रयोग गर्दछन् ।

यसबाट कानमा दुखाइसँगै अन्य प्रकारका हैरानीहरु थपिन थाल्दछन् । यति मात्र होइन, कतिपयमा त विस्तारै सुन्ने क्षमता समेत कम हुँदै गइरहेको छ ।

अनलाइन कक्षाका कारण बालबालिकामा समेत कानसँग सम्बन्धित समस्या बढ्न थालेका छन् । विद्यार्थीलाई अनलाइन कक्षाका लागि इयरफोन प्रयोग गर्नु परिरहेको हुन्छ ।

यस्तोमा उनीहरुको कानमा दुखाइ, संक्रमण लगायतका सिकायतहरु देखिन थालेको चिकित्सकहरु बताउँछन् । उनीहरुका अनुसार पछिल्लो सात/आठ महिनामा हेडफोन तथा इयरपडको प्रयोग कयौं घण्टाले वृद्धि भएको छ ।

जसबाट कानमा समस्या देखिएका सिकायतहरु समेत बढेका छन् । हरेक दिन पाँच देखि १० जना यस किसिमको समस्या लिएर डाक्टरकहाँ पुग्न थालेको बताइन्छ ।

जसमा धेरैजसो आठदेखि दश घण्टासम्म हेडफोन प्रयोग गर्नेहरु रहेका छन् । यसरी लामो समयसम्म हेडफोन प्रयोग गर्दा कानमा निकै धेरै दबाब पर्न जान्छ र लगातार रुपमा चर्को बवाज सुन्दा सुन्ने क्षमता समेत ह्रास हुँदै जान्छ ।

कत्तिको हानिकारक छ हेडफोनको प्रयोग ?

चिकित्सककाे भनाइमा यदि मानिसहरुले आफ्नो बानी व्यवहार समयमै परिवर्तन नगरे कानमा स्थायी रुपमा नै नोक्सान पुग्न सक्छ । इयर वेक्सका कारण हाम्रो कानमा रहेका कीटाणूहरु प्राकृतिक रुपमा नष्ट भइरहेका हुन्छन् ।

वेक्सले कानलाई संक्रमणबाट समेत जोगाइरहेको हुन्छ । कतिपय समय हेडफोन लगाउँदा कान चिलाउने गर्छ । यस्तोमा हामी इयरबडको प्रयोग गरिरहेका हुन्छौं ।

तर यसले कानमा रहेका इयर वेक्स हट्न पुग्छन् र कानको आन्तरिक हिस्सामा कीटाणूको संक्रमणको खतरा बढ्न पुग्छ । त्यसैले घरमा बालबालिका अनलाइन क्लास लिइरहेका छन् भने उनीहरुलाई हेडफोनको प्रयोग गर्न नदिनुहोस् ।

यदि ल्यापटप वा स्मार्टफोनबाट उनीहरुले क्लास लिइरहेका छन् भने त्यसको आवाज नै सुन्नका लागि पर्याप्त हुन्छ ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team