ट्रेन्डिङ:
आईओएसमा गम्भीर सुरक्षा कमजोरी, जसले सधैंका लागि बिगार्न सक्छ तपाईंको आईफोन एपबाट पैसा कमाउनेमा टिकटक सबैभन्दा अघि चाडबाडमा खल्तीको ‘फुल’ अफर, क्यूआर स्क्यान गर्दा १० प्रतिशत क्याशब्याक कुन फोटो फर्म्याट कतिबेला प्रयोग गर्ने ? यस्तो छ जान्नैपर्ने कुरा अब फेसबुकबाट सोझै गुगल फोेटोमा फोटो पठाउन सकिने साइबर अपराधीले यसरी दुरूपयोग गर्न सक्छन् तपाईँको ईमेल एड्रेस मोबाइल, इन्टरनेट बैंकिङ र वालेटमा कसको छ धेरै प्रयोग ? ‘टुल नेपाल’ एपबाट घरमै बसी कक्षा ११ को प्रवेश परीक्षा तयारी गर्न सकिने ट्राफिक महाशाखा हाताभित्र वर्ल्डलिङ्कको फ्री वाईफाई नक्कली ह्वाट्सएप बनाएर आईफोन प्रयोगकर्ताकाे डेटा चाेरी
close

आईओएसमा गम्भीर सुरक्षा कमजोरी, जसले सधैंका लागि बिगार्न सक्छ तपाईंको आईफोन

टेकपाना टेकपाना

पुस २२, २०७८

आईओएसमा गम्भीर सुरक्षा कमजोरी, जसले सधैंका लागि बिगार्न सक्छ तपाईंको आईफोन

काठमाडौं । एप्पलले आईओएस १५ सार्वजनिक गरेदेखि नै बगको समस्या व्यापक भइरहेको छ । समय-समयमा एप्पलले विभिन्न अपडेटमार्फत आईओएस १५ को बग समाधान पनि गर्दै आइरहेको छ ।

यद्यपि पुनः आईओएस १५.२ मा बग फेला परेको छ, जसले आईफोनलाई पूर्णरुपमा क्र्याश वा बिगार्न सक्छ र फोनलाई रिस्टोर गरेपछि पनि काम नलाग्ने बनाउन सक्छ ।

कम्पनीले यो बग जतिसक्दो छिटो समाधान गर्ने प्रतिबद्धता जनाएको छ । ट्रेभर स्पाइनिओलस नामक सुरक्षा अनुसन्धानकर्मीले यो बग पत्ता लगाएका हुन्, जसलाई होमकिट एपीआई प्रयोग गरी फोनलाई संक्रमित बनाउन सकिन्छ ।

आक्रमण गर्ने व्यक्तिले यो बगको फाइदा उठाएर लक्षित गरिएको आईफोनको एपीआई प्रयोग गरी प्रयोगकर्ताको होमकिट नाम परिवर्तन गर्न सक्छ । होमकिट एप्पलले विकास गरेको एउटा सफ्टेवयर हो, जुन आईओएस र आईप्याडओएसमा उपलब्ध छ ।

यो सफ्टवेयरले एप्पल डिभाइसहरू, एप्पलको होम डिभाइसहरू नियन्त्रण गर्न तथा सहजै प्रयोग गर्न मद्दत गर्छ । 

ट्रेभरका अनुसार आक्रमण गर्ने व्यक्तिले होमकिटको नाम पाँच लाखवटा लामा शब्दहरू प्रयोग गरिएको नाममा पनि परिवर्तन गर्नसक्ने बताएको छ ।

यदि प्रयोगकर्ताले घरमा प्रयोग हुने उपकरणहरू होमकिटको कन्ट्रोल सेन्टरमार्फत इनेबल गरेको छ भने प्रयोगकर्ताको आईफोन क्रयाश भई नचल्ने हुनसक्छ र फोन रिबुट अथवा रिस्टोर गर्दा प्रयोगकर्ताले आफ्नो पुरानो आईक्लाउड अकाउन्टमा साइनईन गर्न नसक्ने उनले बताएका छन् ।

यो बगको विषयमा ट्रेभरले २०२१ को अगस्टमा नै एप्पललाई रिपोर्ट गरेको, तर कम्पनीले तत्काल प्रतिक्रिया नदेखाएकोमा उनले आलोचना गरेका छन् । यसले लाखौं आईफोन प्रयोगकर्तालाई जोखिममा पार्नसक्ने उनको भनाइ छ ।