ट्रेन्डिङ:
विद्युतीय गाडीमा कर कटौती गर्न आवश्यक पहल थाल्छौँः कुलमान घिसिङ कस्ता विद्यार्थीले पढ्न पाउँछन् बिएससी सीएसआईटी ? उत्कृष्ट ५ नेपाली ट्राभल भ्लगर, भिडियो हेर्दै गर्नुहोस् दशैं बिदाको सदुपयोग ‘९.६ जीबीपिएस सम्मको स्पीड हुने वाइफाइ सिस्टमको तयारी गरिरहेका छौं’ नेपाली टिम हाइ भोल्टेज बन्यो पब्जी मोबाइल प्रो लिग साउथ एसिया फलको विजेता आईएमई पेको दशैं अफर, सुनदेखि विद्युतीय स्कुटरसम्म जित्ने अवसर तातो खाना फ्रिजमा राख्दा के हुन्छ ? दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? इन्टरनेट र डिजिटल वालेट सेवा प्रदायकले ३ प्रतिशत ब्याजदरमै ऋण पाउने
close

विद्युतीय गाडीमा कर कटौती गर्न आवश्यक पहल थाल्छौँः कुलमान घिसिङ

टेकपाना टेकपाना

भदौ १, २०७९

विद्युतीय गाडीमा कर कटौती गर्न आवश्यक पहल थाल्छौँः कुलमान घिसिङ

काठमाडौं । नेपाल विद्युत प्राधिकरणका कार्यकारी अध्यक्ष कुलमान घिसिङले विद्युतीय गाडीमा कर कटौती गर्न आवश्यक पहल गर्ने बताएका छन् ।

प्राधिकरणको ३७औँ वार्षिकोत्सवको अवसरमा कार्यकारी निर्देशकको वार्षिक प्रतिवेदन सार्वजनिक गर्दै घिसिङले यस्तो बताएका हुन् ।

उनले पेट्रोलियम इन्धनमा भएको मूल्यवृद्धि तथा भरपर्दो र लामो दूरी चल्ने विद्युतीय सवारी साधन पनि उपलब्ध हुन थालेकाले विद्युतीय सवारीलाई प्राथमिकता दिनुपर्ने कुरामा जोड दिए ।

यसका साथै उनले सरकारी निकायहरूमा रहेका सवारी साधनहरूलाई पनि विद्युतीय सवारीले विस्थापन गर्न पहल गर्ने प्रतिबद्धता जनाए ।

“सरकारी निकायहरूमा रहेका सवारी साधनहरूलाई क्रमशः विद्युतीय सवारीमा रूपान्तरण गर्न र नयाँ सवारी साधनहरू खरिद गर्नुपरेमा विद्युतीय सवारीसाधन नै खरिद गर्ने राष्ट्रिय नीति लिई कार्यान्वयन गर्न आवश्यक पहल गरिनेछ,” उनले भनेका छन् ।

विद्युतीय सवारीसाधनको प्रवर्द्धन गर्न तथा प्रयोगकर्ताहरूको सहजताका लागि प्राधिकरणले मुलुकका प्रमुख स्थानहरूमा उल्लेख्य सङ्ख्यामा द्रुत चार्जिङ स्टेसन स्थापना गर्ने याेजना ल्याएकाे पनि उनले उल्लेख गरे ।