विद्यालयलाई प्रविधिमैत्री बनाउन सफ्टवेयर सहयोग गर्दै एनआईसी
भदौ २१, २०७७ १४:२७
काठमाडाैं । एनआईसी एसिया बैंकले सामुदायिक विद्यालयहरूलाई प्रविधिमैत्री बनाउन ब्राइट स्कूल सिस्टम नामक सफ्टवेयर सहयोग गरेको छ । यसअन्तर्गत प्रदेश ५ का १९ विद्यालयमा सफ्टवेयर हस्तान्त्रण गरिएकाे बैंकले जनाएकाे छ ।
बैंकले सुनवल नगरपालिकाका १७, बुटवल उपमहानगरपालिका र रिब्दीकोट गाउँपालिकाका १/१ गरी १९ वटा सामुदायिक विद्यालयलाई सफ्टवेयर प्रदान गरेकाे हाे ।
सामुदायिक विद्यालयहरूको परम्परागत शैक्षिक प्रणालीलाई आधुनिकीकरण गरी प्रविधिमैत्री वातावरण बनाउनुपर्ने आवश्यकतालाई सम्बोधन गर्न बैंकले याे सफ्टवेयर प्रदान गरेको उल्लेख गरेकाे छ ।
याे सफ्टवेयरमा विद्यालय नीति, हाजिरी, भुक्तानी सेवा, स्मार्ट कक्षा, अभिभावक मञ्जुरी फारम, रिपोर्ट कार्ड, शुल्क सूची, सार्वजनिक विदाहरू, विद्यार्थीहरूको गृहकार्य, परीक्षा तालिका, खेलकुद कक्षा, सूचना लगायतका सुविधा रहेकाे छ ।
याे सफ्टवेयरबाट करिब २५ हजार विद्यार्थी तथा अभिभावकहरू लाभान्वित हुने विश्वास बैंकले लिएकाे छ ।
पछिल्लो अध्यावधिक: असोज २, २०७९ २२:३०
