काठमाडौं । मोबाइल वालेट खल्तीले आफ्नो प्रयोगकर्ताका लागि ‘खल्तीमा आईफोन १३’ अफर ल्याएको छ । सोमबारदेखि सुरु भएको यो अफर मंसिर २८ गतेसम्म लागू हुनेछ ।
यस अफर अन्तर्गत प्रयोगकर्ताले ५० रुपैयाँ टपअप गर्दा दैनिक एक लाख सम्म खल्ती पोइन्टस् प्राप्त गर्न सक्नेछन् भने योजना अवधिबाट एक भाग्यशाली विजेताले आईफोन १३ जित्ने मौका पाउनेछन् ।
यो योजनामा भाग लिनका लागि प्रयोगकर्ताको केवाईसी भेरिफाइड भएको खल्ती अकाउन्ट हुनुपर्नेछ ।
केवाईसी अपडेट भएको प्रयोगकर्ताले खल्ती एपमा उपलब्ध ‘फिचर सर्भिसेस’ मा गएर ‘खल्तीमा आईफोन १३’ लेखिएको आइकनमा क्लिक गरेर कुनै पनि नम्बरमा रू ५० को टप-अप गर्नुपर्ने हुन्छ ।
यसरी गरिएको टपअप मात्र अफरको लागि मान्य हुनेछ । यसरी गरिने रिचार्ज जति पटक पनि गर्न सकिन्छ ।