२०७९, ८ जेष्ठ आइतबार   |  
Sunday 22nd May 2022

७ महिनादेखि परीक्षणमै सीमित टेलिकमको भीओएलटीई, व्यावसायिक सञ्चालनमा ढिलाई

Nepal Telecom NTC VoLTE

काठमाडौं । नेपाल टेलिकमको भीओएलटीई सेवा विगत सात महिनादेखि परीक्षणमै सीमित देखिएको छ । फोरजी एलटीई प्रविधिमै एचडी भ्वाइस तथा भिडिओ कल गर्न सकिने गरी गत जेठ ३ गते भीओएलटीई सेवा परीक्षण सञ्चालनमा ल्याइएको यो सेवा व्यवसायिक रुपमा सञ्चालनमा आउन नसकेको हो ।

व्यावसायिक रुपमा सेवा सञ्चालनमा ल्याउन नसक्दा कम्पनीले भीओएलटीई सेवामा लाग्ने छुट्टै शुल्क निर्धारण गर्न तथा प्याकेज ल्याउन सकेको छैन । पहिलो पटक भीओएलटीई सेवा सक्रिय गर्दा टेलिकमको प्रवर्द्धनात्मक अफरमा प्राप्त हुने १०० मिनेट निःशुल्क सेवा बाहेक थप सेवा लिनु परेको अवस्थामा ग्राहकले नियमित ट्यारिफ रेटमै पैसा तिर्नुपर्ने अवस्था छ ।

जसले गर्दा टेलिकमको भीओएलटीई सेवामार्फत भ्वाइस कल गर्दा थ्रीजीमा जस्तै ग्राहकले प्रति मिनेट दुई रुपैयाँ तिर्नुपर्ने अवस्था छ । यस्तो अवस्थामा प्रयोगकर्ताहरू भिडिओ कलका लागि टेलिकमको भीओएलटीईको साटो भाइबर, म्यासेञ्जर, ह्वाट्सएप जस्ता ओटीटी एपमै सीमित हुनुपर्ने बाध्यता छ ।

यद्यपि परीक्षणकै क्रममा रहेको भए पनि भीओएलटीई सपोर्ट गर्ने मोबाइल सेटको सङ्ख्या भने बढेको छ । हाल सामसङ, साओमी, नोकिया, आईफोन, जेडटीई, ओप्पो, भिभो र वनप्लसका विभिन्न मोबाइल सेटमा टेलिकमको भीओएलटीई सेवा चलाउन सकिन्छ । तपाईंको मोबाइल सेटमा टेलिकमको भीओएलटीई चल्छ कि चल्दैन भन्ने कुरा थाहा पाउन यहाँ क्लिक गर्नुहोस् ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team