काठमाडौं । इरानमा प्ले स्टोरमा पहिलो नम्बरमा आएसँगै त्यहाँको सरकारले सिग्नल एपलाई ब्लकिङ लिस्टमा राखेको छ । गत सोमबारदेखि नागरिकहरुले सिग्नल एपलाई आफ्नो फोनमा एक्सेस गर्न सकिरहेका छैनन् ।
इरानका नागरिकहरुले सिग्नलमा अकाउन्ट दर्ता गर्न नसकिरहेको सिग्नल फाउण्डेसनले आफ्नो आधिकारिक ट्वीटर ह्याण्डलमा बताएको छ । इरानको सेन्सरले सिग्नलका सम्पूर्ण ट्राफिकहरुलाई ड्रप गरिदिएको कम्पनीको ट्वीटमा उल्लेख छ ।
सोमबार मध्यान्हदेखि राजधानी तेहरान लगायत अन्य तीन मुख्य शहरहरुमा सिग्नल एपको एक्सेस ब्लक भएको थियो । नागरिकहरुले भीपीएनबाट सिग्नल एप प्रयोग गरिरहेको बताएका थिए । तर कतिपयले भने एपको डेस्कटप भर्सन प्रयोग गरिरहेका छन् ।
तर इरानको सरकारी मिडियाले भने सरकारले सो एपलाई प्रतिबन्ध गरेको बारे हालसम्म कुनै समाचार सम्प्रेषण गरेको छैन ।
तर इरानले युट्युब, फेसबुक, ट्वीटर तथा टेलिग्राम लगायत विभिन्न वेबसाइट तथा सोसल मिडिया देशमा प्रतिबन्ध गरेको छ ।