ट्रेन्डिङ:
एप्पललाई पछि पार्दै साओमी बन्यो विश्वकै दोस्रो ठूलो स्मार्टफोन निर्माता युट्युबमा फोरके भिडिओ हेर्न पैसा तिर्नुपर्ने ! आफ्नो स्थानीय तहको मोबाइल एप डाउनलोड गर्नुभयो त ? फुर्सदमा मोबाइल चलाइरहनु भन्दा यी काम गर्नुहोस्, तपाईँको जीवन परिवर्तन हुनेछ तीन करोड बढी सब्स्क्राइबर भएका युट्युबरले गरे पहिलो पटक अनुहार सार्वजनिक फाइभजी पूर्वाधारमा सामसङको प्रवेश दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका एन्ड्रोइड डिभाइसमा यसकारण चाहिन्छ भीपीएन ह्वावेको ‘सीड्स फर द फ्युचर’ कार्यक्रममा नेपालका १९ विद्यार्थी सहभागी अब टिकटकमा लाइभ शपिङ गर्न सकिने
close

एप्पललाई पछि पार्दै साओमी बन्यो विश्वकै दोस्रो ठूलो स्मार्टफोन निर्माता

टेकपाना टेकपाना

साउन १, २०७८

एप्पललाई पछि पार्दै साओमी बन्यो विश्वकै दोस्रो ठूलो स्मार्टफोन निर्माता


काठमाडौं । विश्वव्यापी रुपमा मोबाइल बिक्रीको हिसाबमा पहिलो पटक साओमीले एप्पललाई पछि पारेको छ । सन् २०२१ को दोस्रो चौमासिकमा मोबाइल सिपमेन्टका आधारमा एप्पलको तुलनामा साओमी अघि देखिएको हो ।

मोबाइल तथा विभिन्न प्रविधिको बजार अध्ययन गर्ने संस्था क्यानालाइजले सार्वजनिक गरेको प्रतिवेदन अनुसार साओमी १७ प्रतिशत बजारका साथ दोस्रो स्थानमा उक्लिएको हो ।

प्रतिवेदन अनुसार सन् २०२१ को दोस्रो त्रैमासिकमा एप्पलको बजार हिस्सा १४ प्रतिशतमात्रै रहेको छ । भने, पहिलो नम्बरमा रहेको सामसङको बजार हिस्सा १९ प्रतिशत रहेको छ । यो हिसाबले हेर्ने हो भने साओमीले सामसङलाई पनि ठुलो चुनौती प्रस्तुत गरेको छ ।

उक्त प्रतिवेदन अनुसार बजारको हिस्साका आधारमा बीबीके मार्केटेड ब्राण्ड ओप्पो, भिभो उत्कृट पाँचभित्र पर्न सफल भएका छन् । त्यसमध्ये साओमीको बजार विस्तार सबैभन्दा उत्कृष्ट देखिएको छ । हुन त सबै ब्राण्डको बजार अघिल्लो वर्षको तुलनामा बढी नै रहेको छ ।

तर, साओमीले अघिल्लो वर्षको तुलनामा ८३ प्रतिशतभन्दा बढी मोबाइल सिपमेन्ट गरेको जनाइएको छ । जसमा सामसङको मात्रै १५ प्रतिशतले वृद्धि भएको छ । भने, एप्पलको जम्मा १ प्रतिशतले वृद्धि भएको छ । 

यसरी साओमीले एप्पललाई पछार्दै दोस्रो स्थान हासिल गर्न सफल हुनुको कारण युरोप, अफ्रिका, ल्याटिन अमेरिकामा कम्पनीको बजार विस्तार हो । साथै कम्पनी मोबाइलको मूल्य पनि अन्य कम्पनीको तुलनामा केही हदसम्म सस्तो हुने पनि यसको प्रमुख पक्ष रहेको जनाइएको छ ।