ट्रेन्डिङ:
त्रिवि अन्तर्गत बीआईटीमा भर्ना खुल्यो, अनलाइनबाटै आवेदन दिन सकिने ई-बुकको मूल्य मनपरी बढाएको भन्दै अमेजन विरुद्ध मुद्दा दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका आजसम्म तपाईँले कुन कुन मोबाइल एप चलाउनुभयो ? यस्तो छ थाहा पाउने सजिलो तरिका दराजका पूर्व एमडी भन्छन्ः नेपालमा ई–कमर्स सम्बन्धी नियम जरुरी छ* फोटोशप सिक्न चाहनेका लागि ५ दिने निःशुल्क अनलाइन तालिम हुँदै गुगल सर्चमा आफ्नो जानकारी आए अब थाहा पाउन सकिने एनसेलले पायो एसियाको उत्कृष्ट रोजगारदाता ब्राण्ड अवार्ड रिचार्जरको दशैं अफर, विद्युतीय सामग्रीमा ३० प्रतिशतसम्म छुट कम्प्युटर अधिकृत विरुद्ध भ्रष्टाचार मुद्दा दायर
close

त्रिवि अन्तर्गत बीआईटीमा भर्ना खुल्यो, अनलाइनबाटै आवेदन दिन सकिने

टेकपाना टेकपाना

पुस २८, २०७८

त्रिवि अन्तर्गत बीआईटीमा भर्ना खुल्यो, अनलाइनबाटै आवेदन दिन सकिने

काठमाडौं । त्रिभुवन विश्वविद्यालय विज्ञान तथा प्रविधि अध्ययन संस्थान अन्तर्गतका आंगिक क्याम्पसहरूमा सेमेस्टर परीक्षा प्रणाली अन्तर्गत ब्याचलर्स इन इन्फरमेसन टेक्नोलोजी (बीआईटी) मा भर्ना खुलेको छ । ग्रेडिङ सिस्टम अनुसार पठनपाठन हुने विज्ञान तर्फ चार वर्षे स्नातक तहको सूचना प्रविधि विषयका लागि विज्ञान तथा प्रविधि अध्ययन संस्थान डीनको कार्यालयले प्रवेश परीक्षा तथा नयाँ भर्ना सम्बन्धी कार्यक्रम सार्वजनिक गरेको हो । 

जसअनुसार विज्ञान तथा प्रविधि अध्ययन संस्थानको प्रवेश परीक्षा सम्बन्धी वेबसाइट (वेबसाइटका लागि यहाँ क्लिक गर्नुहोस्) राखिएको बीआईटी प्रवेश परीक्षाको लिङ्कमा गएर । इच्छुक विद्यार्थीहरू स्वयम्‌ले आवेदन फारम अनलाइनबाट भर्नुपर्नेछ ।

यद्यपि यो वेब पेज आउँदो माघ ३ गते बिहान १० बजेपछि मात्रै लाइभ हुनेछ । त्यसपछि वेबसाइटमार्फत आवेदन सब्मिट गर्न सकिनेछ । भर्ना आवेदन दिने समय माघ ३ गते बिहान १० बजेदेखि माघ २५ गतेसम्म निर्धारण गरिएको छ ।

यद्यपि दोब्बर दस्तुर बुझाउनेले भने माघ २७ गतेदेखि फागुन ४ गते साँझ ५ बजेसम्म आवेदन दिने मौका पाउनेछन् । आवेदनका लागि १५०० रुपैयाँ शुल्क तोकिएको छ ।

प्रवेश परीक्षाको मिति, समय र केन्द्र पछि प्रकाशित गरिने भन्दै डीनको कार्यालयले थप जानकारीका लागि संस्थानको वेबसाइटबाट डाउनलोड गर्न सकिने उल्लेख गरेको छ । यसका साथै संस्थान अन्तर्गतकै चार वर्षे स्नातक तह कम्प्युटर तथा सूचना प्रविधि बीएससी सीएसआईटी विषयको प्रवेश परीक्षा तालिका समेत सार्वजनिक भएको छ ।

आवेदन फाराम भर्ने विद्यार्थीहरूका लागि प्रकाशित गरिएको सूचना अनुसार आगामी माघ २२ गते शनिबार दिनको १२ बजेदेखि २ बजेसम्म प्रवेश परीक्षा सञ्चालन हुनेछ । यसका लागि माघ ४ गतेसम्म अनलाइन आवेदन भरिसक्नुपर्ने छ । यदि तपाईं यो विषयका लागि इच्छुक हुनुहुन्छ र आवेदन भर्न बाँकी छ भने यहाँ क्लिक गर्न सक्नुहुन्छ ।