नेपाली बजारमा शनिबार सार्वजनिक हुँदै ‘भिभो वाई५५’
असार ६, २०७९ १६:२१
काठमाडौं । भिभोले ‘वाई’ सिरिज अन्तर्गतको पछिल्लो संस्करण ‘वाई५५’ असार ११ गते शनिबार सार्वजनिक गर्ने घोषणा गरेको छ ।
नेपाली बजारमा सार्वजनिक हुने यो स्मार्टफोनमा क्वालकमको स्न्यापड्रागन ६८० प्रोसेसरसहित ५,००० एमएएचको ब्याट्री उपलब्ध छ । साथै फोनमा ईन-डिस्प्ले फिंगरप्रिन्ट स्क्यानर पनि प्रयोग गरिएको छ ।
फोनमा ५० मेगापिक्सेलको मुख्य क्यामेरासहित १६ मेगापिक्सेलको फ्रन्ट क्यामेरा दिइएको छ ।
स्मार्टफोनको विषयमा थप जानकारी भने सार्वजनिक भएको दिन नै थाहा हुनेछ । कम्पनीले फोनको मूल्यको बारेमा पनि केही जानकारी दिएको छैन ।
पछिल्लो अध्यावधिक: असोज २, २०७९ २२:३३
