फिल्म डाउनलोड गर्न मिल्ने टोरेन्ट साइटमाथि भारतको प्रतिबन्ध
असार १४, २०७९ ८:२४
काठमाडौं । भारत सरकारले फिल्म डाउनलोड गर्ने टोरेन्ट साइट ‘मुभिजवाप’ माथि प्रतिबन्ध लगाएको छ । यो टोरेन्ट साइटमार्फत बलिउड, हलिउड लगायतका फिल्महरू एचडी तथा अन्य फर्म्याटमा डाउनलोड गर्न सकिन्थ्यो ।
‘मुभिजवाप’ ले हालै सार्वजनिक भएका फिल्महरू विभिन्न भाषामा डबिङ गर्दै वेबमा राखेको पाएसँगै सरकारले यसलाई प्रतिबन्ध लगाउने निर्णय गरेको हो ।
मुभिजवापले प्रयोगकर्तालाई सिधै डाउनलोड गर्ने लिंक उपलब्ध गराउँदै आएको थियो । अन्य टोरेन्ट साइटहरुको हकमा उनीहरूले डाउनलोडका लागि अन्य साइडमा पुर्याएर त्यहाँबाट मात्रै फिल्म डाउनलोड गर्न दिन्छन् ।
तर, मुभिजवापले भने आफैंले फिल्म डबिङ गरी वेबसाइटमा अपलोड गर्ने गरेकाे पाइएकाे छ ।
पछिल्लो अध्यावधिक: असोज २, २०७९ २२:३३
