अब क्यूएफएक्सको टिकट खल्तीबाट खरिद गर्न सकिने
साउन २९, २०७९ १८:२९
काठमाडौं । अब खल्ती डिजिटल वालेटबाट क्यूएफएक्सको टिकट खरिद गर्न सकिने भएको छ ।
खल्ती र क्यूएफएक्सबीच हालै भएको सम्झौतासँगै अब खल्ती प्रयोगकर्ताले ५० सेकेन्डमै क्यूएफएक्सको टिकट खरिद गर्नसक्ने भएका छन् ।
यसअघि क्यूएफएक्सको मुभी टिकट खरीद गर्न क्यूएफएक्सकै वेबसाइट लगइन गरी वा क्यूएफएक्सको एपबाट मात्र गर्न सकिन्थ्यो ।
खल्ती एपभित्र गई आफूले हेर्न चाहेको मुभी, उपलब्ध क्यूएफएक्स हल, समय र सिट सजिलै केही ट्यापमै छनौट गरी भुक्तानी गर्न सकिनेछ ।
साथै खल्तीमा आफ्नो बैंक लिंक गरी प्रयोगकर्ताले खल्ती लोड नगरी बैंक खाताबाटै भुक्तानी प्रक्रिया पूरा गर्न सक्नेछन् ।
पछिल्लो अध्यावधिक: असोज २, २०७९ २२:३३
