पब्जी मोबाइल वर्ल्ड इन्भिटेसनलको मेन टुर्नामेन्टमा डीआरएस गेमिङको पहिलो चिकेन डिनर
असार ३१, २०८० १८:२४
काठमाडौं । करिब ४० करोड रुपैयाँ पुरस्कार राशि रहेको पब्जी प्रतियोगिता ‘पब्जी मोबाइल वर्ल्ड इन्भिटेसनल (पीएमडब्लूआई) २०२३’ मा नेपाली टिम ‘डीआरएस गेमिङ’ले तेस्रो चिकेन डिनर निकालेको छ ।
मेन टुर्नामेन्टमा ‘डीआरएस गेमिङ’को यो पहिलो चिकेन डिनर हो । यसभन्दा अगाडि डीआरएस गेमिङले अलस्टार्स स्टेजमा दुई चिकेन डिनर निकाल्दै तेस्रो भएको थियो ।
‘डीआरएस गेमिङ’ यो चिकेन डिनरसँगै ११ औँ स्थानमा उक्लेको छ । मेन टुर्नामेन्टमा ‘डीआरएस गेमिङ’को यो १३ गेमपछि आएको चिकेन डिनर हो । एक चिकेन डिनर सँगै ‘डीआरएस गेमिङ’को पोइन्ट ६१ पुगेको छ ।
तेस्रो दिनको दुई खेल सकिंदासम्म थाइल्यान्डको पब्जी टिम ‘भ्याम्पाएर ई-स्पोर्ट्स’ १६८ पोइन्ट ल्याएर अग्र स्थानमा छ । त्यस्तै दोस्रो स्थानमा ‘एसटीई’ र तेस्रो स्थानमा ‘अल्फासेभेन ई-स्पोर्ट्स’ रहेका छन् ।
खेलको लाइभ ‘पब्जी मोबाइल ई-स्पोर्ट्स साउथ एसिया’को फेसबुक पेज तथा युट्युब च्यानलबाट भइरहेको छ ।
पछिल्लो अध्यावधिक: असार ३१, २०८० १८:२४
