फोन पेमा मर्चेन्टको संख्या ५ लाख पुग्यो

काठमाडौं । नेपालको अग्रणी भुक्तानी प्रणाली सञ्चालक फोन पे पेमेन्ट सर्भिस लिमिटेडमा मर्चेन्टको संख्या पाँच लाख पुगेको छ । स्थापनाको दुई वर्षमै फोन पेमा मर्चेन्टको संख्यामा उल्लेख्य वृद्धि भएको हो ।

कम्पनीले सेवा सुरू गर्ने बित्तिकै कोभिड-१९ महामारीका कारण लामो समय लकडाउनमा बस्नु परेपनि विभिन्न बैंक तथा वित्तीय संस्थासँगको सहकार्यमा मर्चेन्टको संख्या बढाउन सफल भएको कम्पनीले जनाएको छ ।

हाल फोन पेको क्यूआरमार्फत दैनिक ५० हजार कारोबारबाट ३० करोडभन्दा माथिको कारोबार हुँदै आएको छ ।

यस्तै अन्तरबैंक रकम ट्रान्स्फर, फोन पे डाइरेक्ट लगायत गरी दैनिक एक अर्ब रूपैयाँ बराबरको सेटलमेन्ट हुँदै आएको छ ।

फोन पे बैंकिङ र मर्चेन्ट विस्तारको हिसाबले नेपालका सात वटै प्रदेशमा पुगिसेकको छ ।

६० प्रतिशत मर्चेन्ट बागमती प्रदेशमा रहेका छन् भने बाँकी ४० प्रतिशत मर्चेन्ट अन्य प्रदेशमा फैलिएकाे कम्पनीले जनाएकाे छ ।

फोन पे एउटा भुक्तानी प्रक्रिया नेटवर्क हाे, जसले ग्राहक, बैंक तथा वित्तीय संस्था, मर्चेन्ट तथा सरकारलाई एउटै इन्टरनेट नेटवर्कमा जोड्छ ।

फोन पे नेटवर्कले भुक्तानी गर्न सजिलो, सुरक्षित र सबैको पहुँचमा पुर्‍याएर मोबाइल बैंकिङलाई दैनिक गरिने आर्थिक क्रियाकलापमा अझ सक्षम र सजिलो बनाएको कम्पनीकाे दाबी छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team