२०७९, ५ जेष्ठ बिहिबार   |  
Thursday 19th May 2022

गायक कमल खत्रीको युट्युब च्यानल ह्याकरको कब्जामा, प्रतिबन्धित क्रिप्टोकरेन्सीबारे लाइभ चल्दै

काठमाडौं । गायक कमल खत्रीको युट्युब च्यानल ह्याक भएको छ । ह्याकसँगै च्यानलमा एउटाबाहेक अन्य भिडिओ गायब भएका छन् ।

ह्याकरले उक्त च्यानल कब्जामा लिई नाम परिवर्तन गरेर टेस्ला (लाइभ) राखेका छन् । अहिले सो च्यानलबाट एलन मस्को फोटो राखी नेपालमा प्रतिबन्ध‍ित बिट्क्वाइन र इथिरियम सम्बन्धी प्रचार भइरहेको छ ।

छ लाख बढी सब्सक्राइबर भएको सो च्यानलमा अहिले खत्रीले गाएको ‘फिक्का फिक्का छिन छिनमै’ भन्ने गीतकाे भिडिओ मात्र देख्न सकिन्छ ।

टेकपानासँग कुरा गर्दै गायक खत्रीले ह्याकरको नियन्त्रणबाट च्यानल फिर्ता ल्याउन छलफल भइरहेकाे जानकारी दिए । पछिल्लाे केही महिनायता लगातार नेपालका चर्चित युट्युब च्यानल ह्याक भइरहेका छन् ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team