डेटा सुरक्षा सम्बन्धी कार्यक्रम गर्दै वूमन ईन बिग डेटा, यसरी हुनुहोस् सहभागी

काठमाडौं । वूमन ईन बिग डेटाले १९ आइतबार ‘बेल्ट योर डेटा’ विषयमा भर्चुअल प्यानल डिस्कसन आयोजना गर्ने भएको छ । जूम प्लेटफर्ममा आयोजना हुने उक्त भर्चुअल कार्यक्रममा नेपालमा घटेका डेटा चोरीका मामिलाहरुमा रहेर ज्ञान र तथ्य शेयर गरिने बताइएको छ । 

आइतबार दिउँसो दुई बजेदेखि चार बजेसम्म आयोजना हुने उक्त भर्चुअल कार्यक्रममा पाँच सय जनाको सहभागीता रहने आयोजकको अपेक्षा छ । कार्यक्रममा डेटा साइन्टिस्ट तथा एजुकेसन को-अर्डिनेटर दोभान राई, इमिनेन्स वेजका प्रबन्ध निर्देशक नारायण कोइराला र सूचना सञ्चार प्रविधि कानून विज्ञ प्रविन सुवेदी गरी तीन प्यानेलिस्ट रहने संस्थाले जारी गरेको विज्ञप्तिमा उल्लेख छ ।

कार्यक्रममा सहभागीहरुले सम्बन्धित विषयमा प्यानलिस्टहरुसँग प्रश्न राख्नुका साथै वान टु वान डिस्कसन गर्न समेत सक्ने बताइएको छ । कार्यक्रममा नेपालका घटेका पछिल्ला डेटा ब्रिचका मामिलाहरुमाथि विश्लेषण हुनेछ । यदि तपाईं पनि यो कार्यक्रममा सहभागी हुन इच्छुक हुनुहुन्छ भने यहाँ क्लिक गरेर फाराम भर्न सक्नुहुनेछ । 

डेटा साक्षरता तथा सचेतना अभिवृद्धिमा प्रवर्द्धन गर्ने  उद्देश्यका साथ कार्यक्रम आयोजना गर्न लागिएको हो । वुमन ईन बिग डेटा ‘बिग डेटा तथा एनालिटिक्स’ क्षेत्रमा प्रतिभाशाली महिलाहरुलाई आकर्षित गर्ने उद्देश्यका साथ सन् २०१५ मा अमेरिकामा स्थापना भएको संस्था हो । बिग डेटाको नेपाल च्याप्टर भने गत मे महिनामा मात्रै सार्वजनिक भएको हो ।

पछिल्लो अध्यावधिक: असोज २, २०७९

टिप्पणीहरू