यसरी गर्नुहोस् आईफोन १३ को प्रि-बुकिङ
कात्तिक ४, २०७८ १६:३३
काठमाडौं । नेपाली बजारमा एप्पलको पछिल्लो उत्पदन आईफोन १३ सिरिजको प्रि-बुकिङ सुरू भएको छ । आईफोनका लागि नेपालस्थित आधिकारिक बिक्रेता जेनेरेशन नेक्स्ट कम्युनिकेशन प्रालिले आईफोन १३ का चार मोडलका विभिन्न १४ स्टोरेज भेरियन्टमा प्रिबुकिङ खुलाएको हो ।
ग्राहकले आईएमई पे वालेटमार्फत आफूले चाहेको आईफोन मोडल अर्डर गर्न सक्नेछन् । प्रि-बुक गरेका ग्राहकका लागि कम्पनीले कात्तिक १२ देखि आईफोन डेलिभरी गर्ने जानकारी दिएको छ ।
साथै कम्पनीले आईफोन अर्डर गर्ने ग्राहकलाई ३० हजार मूल्य बराबरको विभिन्न अफर उपलब्ध गराउने घोषणा गरेको छ ।
त्यस्तै कम्पनीले एक वर्षका लागि निःशुल्क ब्रेकेज इन्स्याेरेन्स सुविधा र सबै माेडलमा एक वर्षकाे वारेन्टी प्रदानसमेत गरेकाे छ ।
कसरी गर्ने प्रि-बुकिङ ?
- मोबाइलमा यसअघि आईएमई पे (IME Pay) एप छैन भने एन्ड्रोइडका लागि यहाँ र आईओएसका लागि यहाँ क्लिक गरी एप डाउनलोड गर्नुहोस् ।
- मागिएकाे विवरण समावेश गरी ‘आईएमई पे’ का लागि आफ्नो अकाउन्ट बनाउनुहोस् ।
- अब एपको होमस्क्रिनमा रहेको फि पेमेन्ट (Fee Payment) अप्सनमा ट्याप गरी आईफोन १३ प्रि-बुक-जि नेक्स्ट (iPhone 13 Pre-book -GNEXT) मा ट्याप गर्नुहोस् ।
- अब आफ्नाे नाम, फोन नम्बर, ईमेल एड्रेस, पिकअप लोकेशन,आईफोन मोडल र एडभान्स पेमेन्ट (रू. ९,९९९) राखी अगाडि बढ्नुहोस् ।
कसको मूल्य कति ?
| मोडल | मूल्य |
| आईफोन १३ मिनी (१२८ जीबी) | १,२०,९००/- |
| आईफोन १३ मिनी (२५६ जीबी) | १,३७,९००/- |
| आईफोन १३ मिनी (५१२ जीबी) | १,७१,९०० |
| आईफोन १३ (१२८ जीबी) | १,३७,९००/- |
| आईफोन १३ (२५६ जीबी) | १,५४,९००/- |
| आईफोन १३ (५१२ जीबी) | १,८९,९००/- |
| आईफोन १३ प्रो (१२८ जीबी) | १,७४,९००/- |
| आईफोन १३ प्रो (२५६ जीबी) | १,८९,९००/- |
| आईफोन १३ प्रो (५१२ जीबी) | २,२४,९०० |
| आईफोन १३ प्रो (१ टीबी) | २,५५,९९० |
| आईफोन १३ प्रो म्याक्स (१२८ जीबी) | १,८९,९००/- |
| आईफोन १३ प्रो म्याक्स (२५६ जीबी) | २,०५,९००/- |
| आईफोन १३ प्रो म्याक्स (५१२ जीबी) | २,३९,९९०/- |
| आईफोन १३ प्रो म्याक्स (१ टीबी) | २,७४,९९० |
पछिल्लो अध्यावधिक: असोज २, २०७९ २२:३२
