वेब ब्राउजरमा पनि रिल्स फिचर उपलब्ध गराउँदै इन्स्टाग्राम
जेठ १७, २०७८ १०:४०
काठमाडौं । शर्ट भिडिओमा टिकटकले पाएको सफलतासँगै विभिन्न कम्पनीले सोही खालको फिचर उपलब्ध गराउने क्रम जारी छ । जसमा इन्स्टाग्राम पनि एक हो । इन्स्टाग्रामले पनि शर्ट भिडियो प्लेटर्फमको रुपमा रिल्स ल्याएकाे छ ।
रिल्समा विस्तारै मान्छे जोडिन क्रम पनि बढिरहेकका छन् । यसैलाई मध्यनजर गर्दै कम्पनीले अब थप नयाँ फिचर उपलब्ध गराउने भएको छ ।
कम्पनीले अब रिल्स वेब ब्राउजरबाट पनि प्रयोग गर्न सकिने फिचर ल्याउने तयारी गरिरहेको हाे । योसँगै प्रयोगकर्ताले ल्यापटप तथा कम्प्युटरमा बेव ब्राउजरमार्फत पनि रिल्समा भिडिओ अपलोड गर्ने, बनाउने लगाएको काम गर्न सक्ने जनाइएको छ ।
त्यसका लागि वेब ब्राउजरमा भिडिओको छुट्टै आइकन उपलब्ध गराउने तयारी कम्पनीले गरिरहेको देखिन्छ । हाल सार्वजनिक भएको फोटोमा वेब भसर्नको दायाँ साइडको माथि भिडिओको आइकन उपलब्ध हुनेछ । जसमा क्लिक गरी प्रयोगकर्ताले रिल्सका भिडओ हेर्न तथा भिडियो अपलोड गर्न सक्नेछन् ।
पछिल्लो अध्यावधिक: असोज २, २०७९ २२:३३
