यसरी बन्दैछ विश्वकै पहिलो थ्रीडी प्रिन्टेड घर भएको कोलोनी

California will soon be home to the world's first 3D-printed housing community and it's powered by solar and a Tesla Powerwall

काठमाडौं । अमेरिकाको क्यालिफोर्नियामा विश्वकै पहिलो थ्रीडी प्रिन्टेड घरको समुदाय (कोलोनी) बनिरहेको छ । यो टोलमा सबै घर थ्रीडी प्रिन्टेड हुनेछन् ।

पलारी ग्रुप तथा माइटी बिल्डिङ्सले यसको घोषणा गरेका हुन् । क्यालिफोर्नियाको कोचेला उपत्यकामा यस्ता घरहरुको छरछिमेक नै बन्दैछ ।

पलारी ग्रुप एउटा दीगो रियल स्टेट विकासकर्ता कम्पनी हो भने माइटी बिल्डिङ्स निर्माण सम्बन्धि स्टार्टअप कम्पनी हो । जसले बिल्डिङ किट बनाउनका लागि थ्रीडी प्रिन्टिङ तथा रोबोटिक अटोमेसन प्रयोग गर्दछ ।

यी दुवै कम्पनीले मिलेर क्यालिफोर्नियाँमा ५ एकड जमिन खरिद गरिसकेको बताइएको छ । जहाँ १५ वटा वातावरणीय मैत्री घरको एउटा समुदाय बनाइने द गार्जियनले उल्लेख गरेको छ । आउँदो बसन्त ऋतुसम्म यो समुदाय तयार भइसक्ने बताइएको छ ।

The homes will consist of multiple bedrooms, bathrooms and a pool, designed in a mid-century modern style.
source: The Guardians

जब यी सबै घरहरु बनेर तयार हुनेछन्, तब यो थ्रीडी प्रिन्टेड घरहरु भएको विश्वकै पहिलो प्लान्ड कम्युनिटी हुनेछ । माइटी बिल्डिङले आफ्नो ओकल्याण्ड स्थित हेडक्वार्टरको एउटा वेयरहाउसमा थ्रीडी प्रिन्टर्सको सहयोगमा घर तयार पार्ने गर्छ ।

माइटी बिल्डिङले प्रयोग गर्ने सामग्रीहरुले तुरुन्तै कडा स्वरुप ग्रहण गर्दछन् । जसका कारण यसमा छत लगाउने र इन्सुलेसनको तह लगाउने जस्ता काम छिटो रुपमा सम्पन्न गर्न सकिन्छ ।

यी थ्रीडी प्रिन्टेड घरको मूल्य पाँच लाख ९५ हजार डलरदेखि नौ लाख ५० हजार डलरसम्म हुनेछ । माइटी होम्सको दाबी छ कि यो प्रक्रियामा ८० प्रतिशत काम स्वचालित तरिकाबाट हुन्छ ।

A 3D printer at the Mighty Buildings headquarters.
Source The Guardians

साथै परम्परागत निर्माणको तुलनामा यसमा ९५ प्रतिशत श्रम शक्ति कम खर्च हुने र खेर जाने सामग्री समेत १० गुणा कम भएर जाने बताइएको छ । कम्पनीले दिएको जानकारी अनुसार उसको प्रिन्टरले ३५० वर्ग फिट आकारको घर २४ घण्टाभन्दा कम समयमा बनाउने क्षमता राख्दछ ।

सन् २०१९ मा मेक्सिकोको एउटा गैरनाफामूलक संस्थाले समेत गरिब परिवारका लागि थ्रीडी प्रिन्टेड घर उपलब्ध गराउने घोषणा गरेको थियो । साथै अस्टिन, टेक्सास लगायतका स्थानमा थ्रीडी प्रिन्टेड घर यस वर्षको अन्त्यसम्ममा जडान गरिने जनाइएको छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
marke[email protected]
मोबाइलः ९८५१०४४४५८

Contact us | Our Team